ట్రెండింగ్
Epaper    English    தமிழ்

కమ్మరాజ్యంలో కడప రెడ్లు సెకండ్ ట్రైలర్ రీలీజ్...

cinema |  Suryaa Desk  | Published : Wed, Nov 20, 2019, 01:13 PM



రామ్ గోపాల్ వర్మ ‘కమ్మ రాజ్యంలో కడప రెడ్లు’ అనే టైటిల్‌తో ఓ సినిమాను తెరకెక్కిస్తోన్న సంగతి తెలిసిందే. ఈ సినిమా టైటిల్‌తోనే కావాల్సినంత ప్రచారాన్ని రూపాయి ఖర్చు లేకుండా పొందాడు వర్మ. మరోవైపు ఈ సినిమాకు సంబందించి పూటకో పోస్టర్‌, లేదా ఓ వీడియోను సోషల్ మీడియాలో విడుదల చేస్తూ.. అంచనాలు బాగానే పెంచాడు. కాగా గతంలో ఈ సినిమాకు సంబందించి ఓ ట్రైలర్ విడుదల చేసిన వర్మ తాజాగా మరో  ట్రైలర్‌ను విడుదల చేశాడు. తాజాగా విడుదలైన ట్రైలర్‌ పోస్టర్‌లో వర్మ పప్పులాంటి అబ్బాయి, అతని తండ్రి  ఆటో నడుపుతున్నట్లు చూపించగా.. ట్రైలర్‌లో మాత్రం దానికి సంబందించి ఏమి చూపించలేదు.  ఇక ఈ ట్రైలర్‌లో అలీ, బ్రహ్మానందం, యాంకర్ స్వప్న, కత్తి మహేష్‌లు కీలకపాత్రల్లో కనిపిస్తున్నారు. ఏపీ సీఎం జగన్ ముఖ్యమంత్రి అయిన తరువాత విజయవాడ కేంద్రంగా జరుగుతున్న రాజకీయ పరిణామాలను ప్రధానంగా చేసుకుని ఈ తాజా ట్రైలర్‌లో చూపించినట్లు కనబడుతోంది.  కాగా ఈ చిత్రానికి వర్మ శిష్యుడు సిద్ధార్థ తాతోలు దర్శకత్వం వహిస్తుండగా.. వర్మ రచన, సహ దర్శకత్వం వహించారు . ఇక  ఈ సినిమాను ఈ  నెల 21న విడుదల చేస్తున్నట్టు ప్రకటించాడు వర్మ.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com