ఆస్కార్ రేసు.. భారత సినిమా ఎగ్జిట్!
cinema | Suryaa Desk | Published : Fri, Dec 15, 2017, 04:58 PM
|
|
ఆస్కార్స్ లో విదేశీ కేటగిరిలో ఇచ్చే బెస్ట్ ఫిల్మ్ అవార్డు కోసం పోటీ పడిన హిందీ సినిమా ‘న్యూటన్’ రేసు నుంచి నిష్క్రమించింది. ఫైనల్స్ వరకూ వెళ్లలేక మనోళ్ల సినిమా తిరుగుముఖం పట్టింది. భారత్ నుంచి అనేక సినిమాలు ఆస్కార్స్ ఎంట్రీ కోసం పోటీ పడగా.. వాటి నుంచి న్యూటన్ ను ఎంపిక చేసింది కమిటీ. అయితే ఈ సినిమా కడదాకా నిలవలేకపోయింది. దీంతో మరోసారి ఆస్కార్ భారతీయ సినిమాకు అందని ద్రాక్షగానే నిలిచింది.
ఫారెన్ లాంగ్వేజ్ కేటగిరిలో భారతీయ సినిమా న్యూటన్ తో పాటు మొత్తం 98 సినిమాలు పోటీ పడ్డాయి. వీటిల్లో తొమ్మిది సినిమాలను ఫైనల్స్ కు ఎంపిక చేశారు. వీటిల్లో ఏదో ఒకటి విదేశీ కేటగిరిలో ఉత్తమ చిత్రంగా ఆస్కార్ ను అందుకుంటుంది. న్యూటన్ ఈ దశ వరకూ వెళ్లలేకపోయింది.
‘న్యూటన్’ సినిమాలో రాజ్ కుమార్ రావ్ ప్రధాన పాత్రలో నటించాడు. భారత్ లో ఎన్నికల ప్రక్రియ మీద ఈ సినిమాను రూపొందించారు. అయితే ఈ సినిమా ఒక ఇరాన్ సినిమాకు కాపీ అని మొదట్లోనే విమర్శలు గుప్పుమన్నాయి. అయితే ఆ ప్రచారాన్ని ఈ సినిమా మేకర్లు ఖండించారు. వివిధ భారతీయ సినిమాలను జయించి ఆస్కార్స్ రేసుకు ఇండియా తరఫున వెళ్లిన న్యూటన్ అవార్డు ఫైనల్స్ వరకూ వెళ్లకుండానే వెనుదిరిగినట్టు అయ్యింది.ఇక ఆస్కార్స్ రేసులో మిగిలి తొమ్మిది సినిమాలు ఇవే.. ఏ ఫెంటాస్టిక్ వుమెన్(చిలీ), ఇన్ ది ఫేడ్ (జర్మనీ), ఆన్ బాడీ అండ్ సోల్(హంగరీ), ఫాక్స్ ట్రోట్(ఇజ్రాయెల్),ది ఇన్ సల్ట్ (లెబనాన్),లవ్ లెస్ (రష్యా),ఫెసిలిటేట్(సెనెగల్),ది వౌండ్(దక్షిణాఫ్రికా), ది స్క్వైర్ (స్వీడన్)
|
|
|