అక్కినేని నటవరసుడు అఖిల్ అక్కినేనిని పెళ్లి రూమర్లు గత కొద్దికాలంగా వెంటాడుతూనే ఉన్నాయి. కొద్ది నెలల క్రితం జీవికే మనువరాలు శ్రీయా భూపాల్తో ఎంగేజ్మెంట్ క్యాన్సిల్ అయ్యాక అఖిల్ తన పనేదో తాను చూసుకొంటూ బుద్ధిగా ఉంటున్నాడు. ప్రస్తుతం పూర్తిగా కెరీర్పైనే దృష్టిపెట్టాడు. ఇలాంటి నేపథ్యంలో దగ్గుబాటి వెంకటేశ్ కూతురితో అఖిల్ వివాహం అంటూ ఓ వార్త ఇంటర్నెట్లో చెలరేగిపోవడం గమనార్హం. అసలు వివరాల్లోకి వెళితే..
దగ్గుబాటి కుటుంబంతో అక్కినేని కుటుంబం వియ్యం అందుకోబోతున్నదంటూ వచ్చిన వార్తలపై ఇరు కుటుంబాల సభ్యులు కంగారుపడ్డారు. ఈ నేపథ్యంలో ఇరు కుటుంబాలు అందుబాటులో ఉన్న మీడియాతో మాట్లాడి ఈ వార్తలో వాస్తవం లేదనే విషయాన్ని స్పష్టం చేశారు.