హీరో నాగ శౌర్య, బబ్లీ బ్యూటీ మెహరిన్ జంటగా ఐరా క్రియేషన్స్ పతాకం పై ఉషా ముల్పూరి నిర్మాతగా ‘అశ్వథ్థామ’ రూపొందుతున్న సంగతి తెలిసిందే. కాగా తాజాగా ఈ సినిమా నుండి ఫస్ట్ వీడియో సాంగ్ ప్రోమో ‘నిన్నే నిన్నే’ రిలీజ్ అయింది. శ్రీ చరణ్ పాకల అందించిన క్లాసిక్ ట్యూన్ కి రమేష్ వకాచర్ల భావాత్మకమైన పదాలతో చక్కని సాహిత్యాన్ని అందించారు. అలాగే ఈ పాటను ఆలపించిన అర్మాన్ మాలిక్ వాయిస్ కూడా సాంగ్ ను మరో స్థాయిలో నిలబెట్టింది. మొత్తానికి ఈ చిన్న ప్రోమోనే.. సాంగ్ ఎలా ఉండబోతుందో చెప్పింది. కాగా శంకర్ ప్రసాద్ ముల్పూరి సమర్పణలో రానున్న ఈ సినిమాతో నూతన దర్శకుడు రమణ తేజ తెలుగు తెరకు పరిచయం అవుతున్నారు. వచ్చే ఏడాది జనవరి 31న ఈ మూవీ విడుదల కానుంది.