మలయాళ సూపర్ స్టార్ మోహన్ లాల్.. అర్జున్.. కీర్తీ సురేష్, మంజు వారియర్, సునీల్ శెట్టి, కల్యాణీ ప్రియదర్శన్ ముఖ్య పాత్రల్లో నటిస్తున్న మలయాళ మూవీ ‘మరక్కర్: అరబికడలింటే సింహం’. 16వ శతాబ్దానికి చెందిన కుంజాలి మరక్కర్ అనే నావికుడి జీవితం ఆధారంగా ఈ చిత్రాన్ని తెరకెక్కించారు. కాగా ఈ సినిమా చిత్రీకరణ పూర్తయింది. మోహన్లాల్ యంగ్ పాత్రలో ఆయన కొడుకు ప్రణవ్ మోహన్లాల్ నటించారు. ఆర్చ అనే పాత్రలో కీర్తీ సురేష్ నటించింది. కీర్తి క్యారెక్టర్ లుక్ను విడుదల చేసింది చిత్రబృందం. ఆర్చ లుక్ ఆదరహా అంటోంది మాలీవుడ్. ఈ ఏడాది మార్చి 26న ఈ చిత్రం విడుదల కానుంది. తెలుగు, తమిళ, హిందీ భాషల్లో కూడా చిత్రాన్ని రిలీజ్ చేయాలనే ఆలోచనలో ఉన్నారట. ఇది హిస్టారికల్ మూవీ. ఈ చిత్రానికి ప్రియదర్శన్ డైరెక్టర్.