‘కుమారి 21 ఎఫ్’, ‘ఆడో రకం ఇడో రకం’, ‘ఎక్కడికి పోతావు చిన్నవాడా’ సినిమాల తర్వాత మళ్లీ పెద్దగా హిట్లు అందుకోలేని హెబ్బా పటేల్.. మరోసారి హాట్ హాట్ సన్నివేశాలతో కుర్రకారు మది దోచేందుకు సిద్ధమైపోతోంది. ఈసారి ముద్దులతో పిచ్చెక్కిస్తా అంటూ వస్తున్న హెబ్బా... ఒకటి కాదు రెండు కాదు ‘24 కిస్’లు ఇచ్చేస్తుందట. అందుకే ఆ సినిమా టైటిల్ను కూడా అలాగే ఫిక్స్ చేసేశారు.
విమర్శకుల ప్రశంసలు అందుకున్న ‘మిణుగురులు’ సినిమా దర్శకుడు అయోధ్య కుమార్.. వెరైటీ కాన్సెప్ట్తో ముందుకొస్తున్నాడు. ఈ సినిమాకు ‘శ్రీలక్ష్మీ అండ్ 24 కిసెస్’ అనే టైటిల్ ఖరారు చేశారు. శ్రీలక్ష్మీగా కనిపించే హెబ్బాకు.. 24 ముద్దులకు ఉండే లింక్ ఏమిటనేది ప్రస్తుతానికి సస్పెన్స్ అని దర్శకుడు అయోధ్య కుమార్ చెబుతున్నారు. దీనిపై హెబ్బా మాట్లాడుతూ...‘‘కుమారి 21 ఎఫ్... తరహాలోనే ‘24 కిసెస్’లో కూడా నాది చాలా బోల్డ్ క్యారెక్టర్. ఆ సినిమాకు ఎంత క్రేజ్ వచ్చిందో, దీనికి కూడా అంతే క్రేజ్ వస్తుంది’’ అని తెలిపింది.