‘సాహో’ సెట్‌లో అనుష్క

  Written by : Suryaa Desk Updated: Sat, Jan 13, 2018, 11:34 AM
 

అనుష్క, ప్రభాస్‌ల స్నేహం గురించి ప్రత్యేకంగా చెప్పనవసరం లేదు. సినిమాల్లోనే కాకుండా బయటకు కూడా వీళ్ల కెమిస్ట్రీ భలే ముచ్చటగా ఉంటుంది. దీంతో, ప్రభాస్, అనుష్కలు పెళ్లి చేసుకుంటారనే పుకార్లు గతంలో షికారు చేశాయి. అయితే, తమ మధ్య ఉన్నది కేవలం స్నేహ బంధమేనని వీళ్లిద్దరూ ఇప్పటికే స్పష్టం చేశారు. ప్రభాస్ అభిమానులు మాత్రం వీరిని జంటగా చూడటానికే ఎక్కువ ఇష్టపడుతున్నారు.


ఫేస్‌బుక్‌లో తక్కువగా స్పందించే ప్రభాస్.. కేవలం అనుష్క ‘భాగమతి’ సినిమా గురించి మాత్రమే పోస్టులు పెట్టడం, ఆమె ట్రైలర్లు, పోస్టర్లు ప్రమోట్ చేయడం చూస్తుంటే వీరిద్దరి మధ్య సమ్‌థింగ్, సమ్‌థింగ్ ఏదో నడుస్తుందని అనుకుంటున్నారు.ఇదిలావుండగా.. ప్రభాస్ నటిస్తున్న ‘సాహో’ సెట్‌లో శుక్రవారం రాత్రి అనుష్క సందడి చేసింది. ఈ సందర్భంగా దర్శకుడు సుజీత్, మురళీ శర్మతో కలిసి సెల్ఫీ తీసుకుంది. ఇప్పుడా ఫొటో సోషల్ మీడియాలో వైరల్‌గా మారింది. ‘సాహో’ సెట్‌లో అనుష్కకు పనేంటని కొందరు అంటుంటే.. ఆమె అతిథి పాత్రలో కనిపించబోతుందని మరికొందరు కామెంట్ చేస్తున్నారు.


‘సాహో’లో మొదట అనుష్క శెట్టి పేరునే పరిశీలించారు. ఆ తర్వాత శ్రద్ధా కపూర్‌ను ఎంపిక చేశారు. మరి, అనుష్క ‘సాహో’లో ఉంటుందా? లేదా తన స్నేహితుడిని కలిసేందుకు మాత్రమే సెట్‌కు వచ్చిందా అనేది త్వరలోనే తెలుస్తుంది.




Recent Post