మలయాళ నటి భావన.. తన చిరకాల మిత్రుడు, కన్నడ నిర్మాత నవీన్ను నేడు (జనవరి 22న) పెళ్లాడారు. కేరళలోని త్రిసూర్లో ‘లులు కన్వెన్షన్ సెంటర్’లో వీరి వివాహం వైభంగా జరిగింది. హిందూ సప్రదాయం ప్రకారం ఉదయం 9 గంటలకు కుటుంబ సభ్యులు, సన్నిహితుల మధ్య భావన, నవీన్ ఒక్కటయ్యారు. ఈరోజు సాయంత్రం రిసప్షన్ ఏర్పాటుచేశారు. ఈ రిసప్షన్లో దక్షిణాదికి చెందిన ప్రముఖ సినీ తారలు హాజరయ్యే అవకాశముంది. త్రిసూర్లోని కోవిలతుమ్ పాదంలో ఉన్న జవహరల్లాల్ కన్వెన్షన్ సెంటర్లో ఈ రిసప్షన్ను ఏర్పాటుచేశారు.
ఇదిలా ఉంటే, వివాహానికి ముందు జరిపే మెహందీ వేడుకను ఆదివారం భావన నివాసంలో ఘనంగా నిర్వహించారు. ఈ వేడుకలో భావన తన సన్నిహితులతో కలిసి సందడి చేశారు. దగ్గరి బంధువుల సమక్షంలో భావన మెహందీ ఫంక్షన్ ఉల్లాసంగా సాగింది. ఈ వేడుకకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్గా మారాయి.
మెహందీ వేడుకలో పసుపు రంగు గౌను ధరించిన భావన మెరిసిపోతోంది. ఈ డ్రెస్సులో ఆమె మేలిమి బంగారంలా ఉందంటూ అభిమానులు కామెంట్లు గుప్పిస్తున్నారు. కాగా, 2017 మార్చి 9న నవీన్తో భావన నిశ్చితార్థం జగింది. శాండిల్వుడ్ ప్రొడ్యూసర్గా రాణిస్తున్న నవీన్.. చిన్ననాటి నుంచే భావనకు మంచి మిత్రుడు. వీరి మధ్య చిగురించిన ప్రేమను వివాహంగా మలుచుకున్నారు.