ట్రెండింగ్
Epaper    English    தமிழ்

ఆ రెండు.. పార్వతి నాయర్ అలా ఎలా వదులుకుంది?

cinema |  Suryaa Desk  | Published : Mon, Jan 22, 2018, 03:09 PM



కొన్ని కథలు వినడానికి చాలా సాదాసీదాగా ఉంటాయి. కానీ తెరకెక్కించాక చూస్తే అద్భతమనిపిస్తాయి. కాబట్టి కథలు విన్నంత మాత్రాన్నే దాన్ని జడ్జ్ చేయడం కూడా కష్టమే. ఎందుకంటే.. దర్శకుడు దాన్ని చూపించబోయే దృష్టి కోణం వేరుగా ఉండవచ్చు. విన్నవాళ్ల ఇమేజినేషన్ మరోలా ఉండవచ్చు. ఇలాగే కథను సరిగ్గా జడ్జ్ చేయలేక రెండు లక్కీ ఛాన్స్ లు మిస్ అయింది మలయాళీ హీరోయిన్ పార్వతీ నాయర్. ఈ విషయాన్ని ఆమె స్వయంగా వెల్లడించడం గమనార్హం.అర్జున్ రెడ్డి సినిమాలో హీరోయిన్ పాత్ర కోసం దర్శకుడు సందీప్ వంగా తొలుత హీరోయిన్ పార్వతి నాయర్ నే సంప్రదించారట. అయితే సినిమాలో లిప్ టు లిప్ కిస్సింగ్ సీన్స్ ఎక్కువగా ఉండటం.. అదీగాక క్యారెక్టర్ బోల్డుగా ఉండటంతో పార్వతి 'నో' చెప్పేసిందట.బోల్డ్ నెస్‌కు తోడు కథను సరిగా జడ్జ్ చేయలేకపోయానని పార్వతి పరోక్షంగా చెప్పింది. దర్శకుడు కథ చెప్పినప్పుడు అంత ఎగ్జయిటింగ్ ఏమి అనిపించలేదట. పైగా కొత్త దర్శకుడు కదా.. ఎలా తీస్తాడో అన్న అనుమానంతోనూ ప్రాజెక్ట్ ఒప్పుకోలేదట.అర్జున్ రెడ్డి ఒక్కటే కాదు.. తమిళంలో వచ్చిన 'అరువి' అవకాశాన్ని కూడా ఇలాగే వదులుకుందట పార్వతి. ఈ సినిమా తమిళనాట సంచలన విజయాన్ని నమోదు చేసింది. ఎయిడ్స్ పేషెంట్ పాత్రలో హీరోయిన్ అదితి బాలన్ పాత్రకు విమర్శకుల ప్రశంసలతో పాటు అవార్డులు కూడా వరించాయి.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com