జబర్దస్త్ కామెడీ షో అంటే ఉన్న ఇమేజ్ గురించి ప్రత్యేకంగా చెప్పాల్సిన అవసరం లేదు. రెండు తెలుగు రాష్ట్రాల ప్రజలు నవ్వుకోడానికి చూసే ఏకైక షో ఇది. జబర్దస్త్ అంటే ఇష్టపడని వాళ్లు పెద్దగా ఉండరు. ఇక ఇండస్ట్రీలో కూడా దీనికి చాలా మంది ఫ్యాన్స్ ఉన్నారు. పైగా ఇదే షో నుంచి ఏటా చాలా మంది నటులు ఇండస్ట్రీకి వస్తున్నారు. తెలుగు సినిమాకు కమెడియన్లను అందించే ఫ్యాక్టరీలా మారిపోయింది జబర్దస్త్ కామెడీ షో. ఇలాంటి సమయంలో చిరంజీవి కూడా తమ షోను చాలా ఇష్టపడతారని చెప్పాడు గెటప్ శ్రీను. ఓ సారి ఆయన ఇంటికి వెళ్లినపుడు తమ షో గురించి ఆయన చెప్పిన తీరు.. మెచ్చుకున్న విధానం చూసి అంతా పొంగిపోయామని చెప్పాడు ఈ కమెడియన్.
ముఖ్యంగా తన గెటప్స్ గురించి.. ఒక్కో స్కిట్ గురించి కూడా గుర్తు పెట్టుకుని మరీ చిరంజీవి మాట్లాడుతుంటే ఇదంతా కలా నిజమా అనే భ్రమలో ఉన్నానని చెప్పాడు గెటప్ శ్రీను. నాగబాబు ఓ సారి తీసుకెళ్లి చిరంజీవితో మీటింగ్ ఏర్పాటు చేసాడని.. అప్పుడు టీం అంతా వెళ్లి ఆయన్ని కలిసామని గతం గుర్తు చేసుకున్నాడు ఈయన. అంతేకాదు ఖైదీ నెం 150లో తనతో పాటు రాంప్రసాద్ కూడా నటించిన సంగతి.. అప్పుడు అన్నయ్యతో మెమోరీస్ కూడా చెప్పాడు గెటప్ శ్రీను. ఇక ఇప్పుడు కొరటాల శివ ఆచార్య సినిమాలోనూ తనకు కారెక్టర్ ఉందని చిరు హామీ ఇచ్చినట్లు చెప్పాడు ఈయన.