రూ.48కోట్లతో ఆఫీస్ పెట్టిన హీరోయిన్

బాలీవుడ్ హీరోయిన్ కంగన రనౌత్ రూటే సపరేటు. వివాదాలకు కేరాఫ్‌గా ఉంటూనే తన పని తాను చేసుకుంటూ పోతోంది. తాజాగా ఈ భామ ఓ కీలక నిర్ణయం తీసుకుంది. భారత సినీ చరిత్రలో ఏ హీరో, ఏ హీరోయినూ చేయని పని చేసింది. రూ. 48 కోట్లు ఖర్చు పెట్టి ఆఫీసు కమ్ స్టూడియోను ఏర్పాటు చేసింది. ముంబై నడిబొడ్డున నెలకొల్పిన ఈ కార్యాలయాన్ని అంతర్జాతీయ ప్రమాణాలతో నిర్మించింది. సొంతంగా భూమిని కొని స్టూడియో, ఆఫీసు ఎలా ఉండాలో ఆమే డిజైన్ చేయించింది. పురుషాధిక్యత ఎక్కువగా ఉండే బాలీవుడ్ లో మహిళగా తనదైన ముద్రను వేసింది. స్టార్ కిడ్ గా ఎంట్రీ ఇవ్వకపోయినా అగ్ర నటిగా ఎదిగింది. నటనలో తనకంటూ ప్రత్యేక గుర్తింపు తెచ్చుకుంది.

అంతేకాదు ఇతరులు అసూయపడేలా నిర్మాతగా, దర్శకురాలిగా కూడా మారింది. తాజాగా ముంబైలో రూ. 48 కోట్లు ఖర్చుపెట్టి ఓ ఖరీదైన ఆఫీసును ప్రారంభించింది. ఈ ఆఫీసుకు సంబంధించిన వీడియో ఇప్పుడు తెగ వైరల్ అవుతోంది. ఈ సందర్భంగా కంగన మాట్లాడుతూ, చేతిలో కేవలం రూ. 1500తో ఇంటి నుంచి బయటకు వచ్చానని తెలిపింది కంగన. డబ్బు సంపాదించడానికే మా ఊరు నుంచి ముంబై వచ్చానని తెలిపింది. పురుషాధిక్య సమాజంలో ఓ మహిళ డబ్బు సంపాదిస్తే జీర్ణించుకోలేరని చెప్పింది. ఎన్నో పోరాటాల తర్వాత పెద్ద స్టార్ గా ఎదిగానని తెలిపింది. 50 ఏళ్ల వయసు వచ్చేసరికి అత్యంత ధనికురాలిగా నిలవడమే తన లక్ష్యమని చెప్పింది కంగన.

కంగనా కొత్తగా ఏర్పాటు చేసిన ఆఫీస్ కమ్ స్టూడియోలో స్టీరో డిస్కషన్లు, వీడియోల రూపకల్ప, యాడ్స్ షూటింగ్ వంటివి జరగున్నాయి. అత్యాధునికంగా డిజైన్‌తో ఆఫీస్ అంతా అబ్బుర పరిచేలా ఉంది. లోపల ఉండూ ఇంటీరియర్స్, ఫర్నీచర్ అంతా వావ్ అనిపించేలా ఉన్నాయి. ఆఫీస్‌లో గ్రీనరీ కూడా ఉండేలా ఏర్పాట్లు చేసుకుంది కంగనా. అక్కడక్కడ చిన్న చిన్న మొక్కలు మనకు కనిపిస్తుంటాయి. లైటింగ్ విషయంతో పాటు.. గోడలకు పేయింటింగ్స్ వేసే కలర్స్ విషయంలో కూడా డిజైనర్స్ చాలా జాగ్రత్తలు తీసుకున్నారు. అక్కడ గోడలపై కొన్ని కొటేషన్స్ కూడా రాశారు. గాలి వెలుతురు కూడా ఆఫీస్ లోపల పుష్కలంగా వచ్చేలా కూడా జాగ్రత్తలు తీసుకున్నామని ఆఫీస్‌ను డిజైన్ చేసిన షబనం చెబుతున్నారు. మొత్తానికి కంగనా కొత్త ఆఫీస్ చూస్తూ... అందరూ నోరెళ్లబెట్టాల్సిందే.