చిన్న చిత్రాల్లో కీలకమైన పాత్రలు చేయాలని ఉంది
cinema | Suryaa Desk | Published : Thu, Feb 15, 2018, 05:20 PM
|
|
స్టార్‌ హీరోల సరసన చిన్న చిన్న పాత్రల్లో నటించేకంటే…చిన్న చిత్రాల్లో గుర్తుండిపోయే పాత్రలు చేయడమే ముద్దంటోంది బాలీవుడ్‌ బ్యూటీ జరైన్‌ ఖాన్‌. సల్మాన్‌ లాంటి టాప్‌ స్టార్‌ సరసన సోలో హీరోయిన్‌గా తెరంగేట్రం చేసిన జరైన్‌కు ఆ తర్వాత కాలం కలిసి రాలేదు. కత్రీనా కైఫ్‌ పోలికలతో పాటు, లావుగా ఉంటుందనే వంకలతో చిత్రాలు తగ్గిపోయాయి. హౌస్‌ ఫుల్‌ 2, రెడీ సినిమాల్లో వచ్చిన అవకాశాలు ఆమెను కేవలం ఒక అతిథిగానే చూపించాయి. ఈ నేపథ్యంలో జరైన్‌ ఖాన్‌ స్పందించింది. ఆమె మాట్లాడుతూ…స్టార్‌ చిత్రంలో చిన్నపాత్రలు చేయడం ద్వారా నాకు దక్కుతున్న గుర్తింపు చాలా తక్కువ. అప్రాధాన్య పాత్రలకు పరిమితమైపోతున్నాను. వాస్తవానికి నా తొలి చిత్రమే గొప్ప అవకాశం. ఈ చిత్రం సరిగా ఆడకపోవడం వల్ల సోలో నాయికగా నిలబడలేకపోయాను. మరో నాయిక (కత్రీనా) లా ఉంటాననే పేరూ చెడు చేసింది. లావుగా ఉండటం వల్ల మరికొన్ని అవకాశాలు చేజారాయి. హౌస్‌ఫుల్‌ 2 చిత్రంలో నలుగురు నాయికల్లో ఒకరిని కాబట్టి….అందులో పేరు తెచ్చుకోలేకపోయాను. కాబట్టి చిన్న చిత్రాల్లో కీలకమైన పాత్రలు చేయాలని భావిస్తున్నాను అని చెప్పింది.
|
|
|