రియల్ ఎస్టేట్ వ్యాపారితో బ్రిటీష్ భామ డేటింగ్
cinema | Suryaa Desk | Published : Mon, Feb 19, 2018, 12:40 PM
|
|
రియల్ ఎస్టేట్ వ్యాపారి ఎవరు.. బ్రిటీష్ భామ ఎవరు అనుకుంటున్నారా.. అదేనండి బ్రిటీష్ భామ అంటే అమీ జాక్సన్. ఈమె గుర్తుందిగా ప్రముఖ దర్శకుడు శంకర్ దర్శకత్వంలో తెరకెక్కిన "ఐ" సినిమాతో అటు తెలుగు, ఇటు తమిళ ప్రేక్షకులకు దగ్గరైన హీరోయిన్. ఒక్క సినిమాతో సెక్సీ హీరోయిన్‌గా యువకుల మదిని దోచేసింది ఈ భామ. అంతేకాదు ఆ తర్వాత వరుస సినిమాలతో బిజీగా మారిపోయింది. ఆమె చేసిన సినిమాలు పెద్దగా ఆడకపోయినా ఆమెకు మాత్రం మంచి పేరే వచ్చింది.
సినిమాల్లోనే నటిస్తూనే అమీ జాక్సన్ ప్రేమలో పడింది. బ్రిటీష్‌‌కు చెందిన రియల్ ఎస్టేట్ వ్యాపారి, కోటీశ్వరుడు అయిన జార్జ్‌తో సంవత్సరంగా అమీ జాక్సన్ పీకల్లోతు ప్రేమలో మునిగితేలుతుందట. అంతేకాదు ఇద్దరూ కలిసి ఎంచక్కా, చెట్టాపట్టాలేసుకుని డేటింగ్ కూడా చేసేసుకుంటున్నారట. ఇప్పుడు వీరి వ్యవహారమే తమిళ చిత్ర పరిశ్రమలో హాట్ టాపిక్‌గా మారుతోంది. అయితే "రోబో 2.0" సినిమా షూటింగ్ పూర్తవడంతోనే అమీ జాక్సన్ ఎంచక్కా ప్రియుడితో ఎంజాయ్ చేస్తోందట. ఇంకా తన తదుపరి చిత్రానికి సమయం ఉంది. ఇప్పుడు నేను బాగా ఫ్రీ అంటోంది అమీ జాక్సన్.
|
|
|