ట్రెండింగ్
అనుపమ పాత్ర చుట్టూ తిరిగే కథ ?
cinema | Suryaa Desk | Published : Wed, Feb 21, 2018, 01:07 PM
|
|
కరుణాకరన్ దర్శకత్వంలో సాయిధరమ్ తేజ్ ఒక సినిమా చేస్తున్నాడు. కొత్తదనంతో కూడిన కథాంశంతో రూపొందుతోన్న ఈ సినిమాకి ఇంకా టైటిల్ ను ఖరారు చేయలేదు. ఆల్రెడీ ఫస్టు షెడ్యూల్ ను పూర్తి చేసుకున్న ఈ సినిమాలో కథానాయికగా అనుపమ పరమేశ్వరన్ చేస్తోంది. అయితే ఈ సినిమాలో తేజు పాత్రకంటే అనుపమ పాత్రకి ప్రాధాన్యత ఎక్కువగా ఉంటుందనేది తాజా సమాచారం.
'ఫిదా' సినిమాలో సాయిపల్లవి వైపు నుంచి కథ కొనసాగుతుంది. అలాగే ఈ సినిమాలో అనుపమ కోణంలో కథ నడుస్తూ వుంటుందట. ఆమె పాత్ర చుట్టూనే కథ తిరుగుతూ ఉంటుందని ముందుగా సాయిధరమ్ తేజ్ కి కరుణాకరన్ చెప్పాడట. అయితే కొత్తదనంతో కూడిన కథ కావడం వలన, వైవిధ్యం కోసం ఈ సినిమా చేయడానికి తేజు అంగీకరించాడని అంటున్నారు. సరైన హిట్ కోసం వెయిట్ చేస్తోన్న తేజుకి, ఈ సినిమా అయినా ఆ ముచ్చట తీరుస్తుందేమో చూడాలి.
|
|
|