ఎమ్మెల్యేకి బ్రహ్మానందం ప్రచారం..!
cinema | Suryaa Desk | Published : Tue, Mar 20, 2018, 11:17 AM
|
|
సీనియర్ హాస్యనటుడు బ్రహ్మానందం తాను నటించిన సినిమాకి సోషల్ మీడియాలో ప్రచారం మొదలెట్టారు. నందమూరి కళ్యాణ్‌రామ్, కాజల్ అగర్వాల్ జంటగా నటించిన ఎమ్మెల్యే (మంచి లక్షణాలున్న అబ్బాయ్) చిత్రం ఈ నెల 23న విడుదల కానుంది. ఈ సినిమాలో నటించిన బ్రహ్మానందం.. ప్రచారంలో భాగంగా ఫేస్‌బుక్‌లో ఓ వీడియోని విడుదల చేశారు. ఈ సినిమా.. వేసవిలో అభిమానులకి తేనీటి విందులా ఉంటుందని కితాబిచ్చారు. ఈ చిత్రంలో తనతో పాటు పోసాని, పృథ్వీ తదిరత కమెడియన్లు నటించినట్లు వివరించిన బ్రహ్మనందం తప్పకుండా అభిమానుల్ని అలరిస్తుందని ధీమా వ్యక్తం చేశారు.
గతంతో పోలిస్తే.. ఇప్పుడు బ్రహ్మానందానికి సినిమాలు బాగా తగ్గిపోయాయి. టాలీవుడ్‌లో యువ కమెడియన్లు పెరగడమే దీనికి కారణమని అప్పట్లో రూమర్స్‌రాగా.. బ్రహ్మానందం కూడా వాటిపై సానుకూలంగా స్పందించారు. యంగ్ కమెడియన్లు మరింత మంది ఇండస్ట్రీలోకి రావాలని.. వారికి విరివిగా అవకాశాలు దక్కాలని కూడా ఆయన అప్పట్లో అభిలాషించారు. తాజాగా ఎమ్మెల్యే సినిమాకి బ్రహ్మానందం స్వయంగా ప్రచారం చేయడం పట్ల అభిమానులు ఆశ్చర్యం వ్యక్తం చేస్తున్నారు. ఎందుకంటే సుదీర్ఘ సినీ కెరీర్‌లో ఆయన ఓ సినిమాకి ఇలా ప్రచారం చేయడం చాలా అరుదు.
|
|
|