నటుడు, డ్యాన్స్ మాస్టర్, డైరెక్టర్.. ప్రభుదేవాను పెళ్లి చేసుకోవడానికి కూడా తను సిద్ధం అని అంటోంది నికీషా పటేల్. పవన్ కల్యాణ్ సినిమా ‘పులి’తో టాలీవుడ్కు పరిచయం అయిన నికీషా ఆ సినిమా ఫ్లాప్ కావడంతో నిరాశ పడింది. ఆ తర్వాత అడపాదడపా సినిమాలు చేస్తూ సాగుతోంది. ఈ నేపథ్యంలో ప్రభుదేవాపై బహిరంగంగా ప్రేమను చాటుకుంది నికీషా.
ప్రభుదేవాతో తమ కుటుంబానికి సత్సంబంధాలున్నాయని నికీషా చెప్పింది. మీకు ఇష్టమైన హీరో ఎవరు అని తనను అడిగితే తను ప్రభుదేవా పేరునే చెబుతానని ఈమె అంటోంది. నటుడిగా ప్రభుదేవా అంటే తనకు చాలా ఇష్టమని, ఆయన డైరెక్షన్లో నటిస్తారా? అని అడిగితే, ప్రభు దర్శకత్వంలో నటించడమే కాదు.. ఆయనను పెళ్లి చేసుకోవడానికి కూడా రెడీ.. అని ఆశ్చర్యపరించింది నికీషా.
సీరియస్గానే ఇలా అన్నదో, లేక సరదాగా అన్నదో కానీ.. నికీషా వ్యాఖ్యలు మాత్రం ఆసక్తిదాయకంగా ఉన్నాయి. ప్రభుదేవాకు చాలా కాలం కిందటే పెళ్లి అయ్యింది. అయితే నటి నయనతారతో ప్రేమలో పడి ప్రభుదేవా తన మొదటి భార్యకు విడాకులు ఇచ్చాడు. ఆ తర్వత నయనను పెళ్లి చేసుకోబోతున్నట్టుగా వార్తలు వచ్చాయి. అయితే అది జరగలేదు. ఇప్పుడు నికీషా ప్రతిపాదన ఆసక్తిదాయకంగా మారింది