ఆయనే నాకు ఇష్టమైన నటుడు: ఐష్‌
cinema | Suryaa Desk | Published : Thu, May 17, 2018, 02:31 PM
|
|
మాజీ ప్రపంచ సుందరి ఐశ్వర్య రాయ్‌ను ఇష్టపడని వారుండరు. ఆమెతో కలిసి ఒకసారైనా నటించాలని నటీనటులంతా కోరుకుంటారు. మరి అలాంటి ఐష్‌కి ఇష్టమైన నటుడెవరో తెలుసా? ఇంకెవరు తన భర్త అభిషేక్‌ బచ్చనే. ఈ విషయాన్ని ఐష్‌ ఓ ఇంటర్వ్యూలో వెల్లడించారు.
‘నాకు ఇష్టమైన నటుడు నా భర్త అభినే. మేమిద్దరం జంటగా నాలుగైదు సినిమాల్లో నటించాం. అభి సినిమాల్లో సాధారణ వ్యక్తిలాగే కన్పిస్తాడు. స్టార్ కుమారుడు అయినప్పటికీ ఆ గర్వం ఉండదు. ముక్కుసూటి మనిషి. అదే అభిలో నాకు నచ్చిన విషయం. అభి నా మనిషి. ఇప్పటికీ మా ఇద్దరినీ సినిమాలో తీసుకోవడానికి దర్శకులు మంచి స్క్రిప్ట్‌లతో వస్తున్నారు. ఇద్దరం ఓ సినిమా చేయబోతున్నాం. దాని వివరాలు త్వరలోనే వెల్లడిస్తాం’ అని పేర్కొన్నారు ఐష్‌.
ఇటీవల ఐష్‌ కేన్స్‌ అంతర్జాతీయ చలన చిత్రోత్సవంలో తన కుమార్తె ఆరాధ్యతో కలిసి మెరిశారు. తల్లీకూతుళ్లిద్దరూ ఆ వేడుకలో ప్రత్యేక ఆకర్షణగా నిలిచారు. ఐష్‌ ఆ వేడుకను ముగించుకుని ఇటీవల ముంబయి చేరుకున్నారు. ప్రస్తుతం ఆమె ‘ఫ్యానే ఖాన్‌’ చిత్రంలో నటిస్తున్నారు. ఇందులో ఆమెకు జోడీగా రాజ్‌కుమార్‌ రావ్‌, అనిల్‌ కపూర్‌ నటిస్తున్నారు. మరోపక్క అభి ‘మన్మర్జియా’ చిత్రంతోనూ బిజీగా ఉన్నారు.
|
|
|