ట్రెండింగ్
ఎన్టీఆర్ బయోపిక్.. ముంబై నుంచి హైదరాబాద్ వచ్చిన విద్యాబాలన్
cinema | Suryaa Desk | Published : Tue, Jul 03, 2018, 05:05 PM
|
|
ఎన్టీఆర్ బయోపిక్ లో ఎన్టీఆర్ పాత్రను బాలకృష్ణ పోషించనుండగా, ఎన్టీఆర్ సతీమణి బసవతారకం పాత్రలో విద్యాబాలన్ నటించనున్నారు. ఈ పాత్రను చేయడానికి విద్యాబాలన్ కొన్ని షరతులు విధించి, అందుకు టీమ్ అంగీకరించిన తరువాతనే గ్రీన్ సిగ్నల్ ఇచ్చారు. క్రిష్ దర్శకత్వంలో త్వరలోనే రెగ్యులర్ షూటింగ్ మొదలు కానుంది.
ఈ సినిమా షూటింగులో జాయిన్ కావడానికి ఆమె ముంబై నుంచి హైదరాబాద్ వచ్చారు. ముందుగా ఆమెకి సంబంధించిన పోర్షన్ ను చిత్రీకరించనున్నట్టు సమాచారం. ప్రస్తుతం బాలకృష్ణ రాజకీయాల పరంగా బిజీగా వున్నారు. అందువలన ఈ ఇద్దరి కాంబినేషన్లోని సన్నివేశాలను ఆ తరువాత షూట్ చేయనున్నారు. మొదటి నుంచి కూడా బరువైన పాత్రలను చేయడంలో విద్యాబాలన్ తనదైన ప్రత్యేకతను చాటుకుంటూ వచ్చారు. అందువలన ఆమె కారణంగా బసవతారకం పాత్రకు మరింత నిండుదనం వస్తుందనే అభిప్రాయాలు వ్యక్తమవుతున్నాయి.
|
|
|