తనీష్ లవ్ లెటర్‌ని మడిచిపెట్టుకోమన్న నందినీ రాయ్
cinema | | Published : Wed, Jul 18, 2018, 11:31 AM
|
|
బుల్లితెర బిగ్గెస్ట్ రియాలిటీ షో ‘బిగ్ బాస్ సీజన్ 2’ ఆసక్తికర పరిణామాలతో ముందుకు సాగుతోంది. శని, ఆదివారాల నాటి ఎపిసోడ్స్‌కి నాని నేచురల్ ఎనర్జీ హెల్ప్ అవుతుంటే.. మిగిలిన రోజుల్లో బిగ్ బాస్ బండిని మెల్లగా లాగించేస్తున్నారు కంటెస్టెంట్స్. ఇక మంగళవారం నాటి ఎపిసోడ్ 38 కూడా ఫుల్ జోష్‌తో ప్రారంభమైంది. సోమవారం నాటి ఎపిసోడ్‌లో గణేష్ తలపై గుడ్డు పగలగొట్టడంతో చిన్న పిల్లాడిలా గుక్కపెట్టి ఏడ్చేయగా తన అలకను మంగళవారం నాటి ఎపిసోడ్‌లో కూడా కంటిన్యూ చేశాడు. తినకుండా అలగటంతో కౌశల్ కూల్ చేసి ధైర్యం చెప్పారు.
బిగ్ బాస్ హౌస్‌లో ఈవారం లగ్జరీ బడ్జెట్ భాగంగా ‘బిగ్ బాస్ బ్లాక్ బస్టర్ మూవీ’ అనే ఎనర్జిటిక్ టాస్క్‌ను ఇచ్చారు బిగ్ బాస్. ఈ టాస్క్ ప్రకారం హౌస్‌లో ఉన్న కంటెస్టెంట్స్ అందరూ కలిసి ఓ కథను రెడీ చేసి.. ఆ కథకు అనుగుణంగా క్యారెక్టర్స్‌ని ఎన్నుకుని అందుకోసం ఆడిషన్స్ కూడా నిర్వహించాల్సి ఉంటుంది. ఇందుకోసం డైరెక్టర్‌గా అమిత్, అసిస్టెంట్ డైరెక్టర్‌గా దీప్తి, కెమెరామెన్‌గా రోల్ రైడాలను బిగ్ బాస్ నియమించారు. వీరి పర్యవేక్షణలో ఆడిషన్స్ జరుగుతాయి. కథ, క్యారెక్టర్స్ ఎంపికలు వీళ్లే నిర్వహిస్తారని.. ఈ ఆడిషన్స్‌లో పాల్గొని తమ నటనా ప్రతిభను చూపించి వీళ్లను మెప్పించాలని అనంతరం సినిమా ప్రారంభం అవుతుందని బిగ్ బాస్ టాస్క్ ఇవ్వడంతో ఇలాంటి అవకాశం కోసం ఎంతగానో ఎదురుచూసిన సెలబ్రిటీలు రెచ్చిపోయి నటించేశారు. ఒకర్నిమించి ఒకరు నటిస్తూ.. ఆడిషన్స్‌ను కంప్లీట్ చేశారు.
ఇక డైరెక్టర్‌ అమిత్, అసిస్టెంట్ డైరెక్టర్‌ దీప్తి, కెమెరామెన్‌ రోల్ రైడాలు ‘కొంచెం నీరు.. కొంచెం నిప్పు’ అనే కథను రెడీ చేసి.. ఆడిషన్స్‌లో ప్రతిభ ఆధారంగా క్యారెక్టర్స్‌ని ఎంపిక చేశారు. ఈ టాస్క్‌లో భాగంగా బిగినింగ్, యాక్షన్, ఐటమ్ సాంగ్, రొమాన్స్ మేళవింపుతో బిగ్ బాస్ సూచనల మేరకు అదిరిపోయే కథను రెడీ చేశారు. ఇక ఈ సినిమాకు కొరియోగ్రాఫర్, మేకప్, డాన్సర్‌‌గా తేజస్విని ఎంపిక చేయడంతో దీప్తి సునైనాతో పాటు మిగిలిన ఆర్టిస్ట్‌లకు డాన్స్ నేర్పే పనిలో నిమగ్నమయ్యింది తేజస్వి. రింగా రింగా అంటూ దీప్తి సునైనాతో మాస్ స్టెప్పులతో రచ్చ చేసేసింది.
ఇక ‘కొంచెం నీరు.. కొంచెం నిప్పు’ మూవీలో భాగంగా తనీష్, కౌశల్, సామ్రాట్‌లకు మేల్ లీడ్ రోల్ ఇవ్వడంతో పాటు నందిని రాయ్, దీప్తి సునైనాలకు ఫీమేల్ లీడ్ రోల్స్ ఇవ్వడంతో పాత్రల్లో లీనమైపోయారు. ఇక షూటింగ్ స్పాట్ లొకేషన్స్‌ని కళ్లకు కట్టి చూపించేందుకు తనీష్ హీరోయిన్‌కి లైన్ వేసే పాత్రలో.. నందినీ రాయ్ అతడ్ని దూరం పెట్టి పాత్రలో జీవించేశారు. ఇక తనీష్‌కి అసిస్టెంట్‌గా ఉన్న గణేష్‌తో హీరోయిన్‌ నందనీకి లవ్ లెటర్ పంపడం.. ఆ లెటర్ చూసిన నందిని మడిచి ఎక్కడైనా పెట్టాకో అంటూ చెప్పడం దానికి గణేష్ పగలబడి నవ్వడం ఫన్‌ని జనరేట్ చేసింది.
ఆసక్తికరంగా ‘కొంచెం నీరు.. కొంచెం నిప్పు’ మూవీ షూటింగ్:
బిగ్ బాస్ హౌస్‌లో ఇలాంటి టాస్క్‌కోసం ఎప్పటి నుండో ఎదురుచూస్తున్న కంటెస్టెంట్స్ ఫుల్ ఎనర్జీతో అదిరిపోయే పెర్ఫామెన్స్ ఇచ్చారు. ముఖ్యంగా లీడ్ రోల్స్‌లో నటించిన కౌశల్, తనీష్, నందీని రాయ్‌లు జీవించేశారు. హౌస్ మేట్స్‌తో పాటు ప్రేక్షకులకు కూడా మంచి ఎంటర్ టైన్ అందించారు. ఇక రేపటి ఎపిసోడ్‌లో ‘కొంచెం నీరు.. కొంచెం నిప్పు’ షూటింగ్ కంటిన్యూ కావడంతో పాటు రొమాంటిక్, ఐటమ్ సాంగ్స్ ఎపిసోడ్ ఉండటంతో నేటి ఎపిసోడ్ మరింత ఆసక్తికరంగా సాగనుంది.
|
|
|