బాలీవుడ్ బిగ్ బి అమితాబచ్చన్ తన మనవరాలు ఆరాధ్యతో దిగిన ఓ ఫొటో అభిమానులను అలరిస్తోంది. ఆ ఫొటోను షేర్ చేసింది బిగ్ బీ కాదు. ఆయన కోడలు, బాలీవుడ్ భామ ఐశ్వర్యరాయ్ బచ్చన్ తన ఇన్స్టాగ్రామ్ ఖాతాలో ఈ ఫొటోను పోస్ట్ చేసింది. సాధారణంగా మనం ఐశ్వర్య, అభిషేక్, ఆరాధ్యల ఫొటోలను చూస్తూనే ఉంటాం. ఇలా ఒక్కసారిగా అమితాబ్తో కలిసి ఆరాధ్య కనపడుతుండడంతో ఈ తాత, మనవరాళ్ల ఫొటో వైరల్ అవుతోంది. ఈ ఫొటోకి ‘లండన్ ప్రేమ’ అంటూ ఐశ్వర్య క్యాప్షన్ పెట్టింది. ఇందులో బిగ్ బీ చిరునవ్వులు చిందిస్తుండగా, ఆరాధ్య ఆయన భుజాలపై చేతులు వేసి కెమెరాకు పోజులిచ్చింది. వారి మధ్య బంధం చాలా దృఢమైందని ప్రశంసిస్తూ అభిమానులు కామెంట్లు చేస్తున్నారు.