'కొలమావు కోకిల' సినిమా అక్కడ సూపర్ హిట్ టాక్
cinema | Suryaa Desk | Published : Sat, Aug 18, 2018, 05:17 PM
|
|
తమిళనాట నయనతారకి గల క్రేజ్ అంతా ఇంతా కాదు. కొంతకాలంగా నటనకి ఎక్కువ ప్రాధాన్యత గల సినిమాలను చేస్తూ .. తన స్థాయిని ఎప్పటికప్పుడు పెంచుకుంటూ వెళుతోంది. ఆమె తాజా చిత్రంగా రూపొందిన 'కొలమావు కోకిల' నిన్ననే ప్రేక్షకుల ముందుకు వచ్చింది. ఈ కథా భారాన్ని నయనతార పూర్తిగా తనపై వేసుకుని ముందుకు నడిపిస్తూ వెళ్లింది. తొలిరోజునే ఈ సినిమా అక్కడ సూపర్ హిట్ టాక్ తెచ్చేసుకుంది.
నయనతార నటన పట్ల అంతా ప్రశంసల వర్షం కురిపిస్తున్నారు. 'లేడీ సూపర్ స్టార్' అనే బిరుదును ఈ సినిమాతో ఆమె సార్థకం చేసుకుందంటూ అభినందనలు తెలియజేస్తున్నారు. 25 కోట్ల రూపాయల ఖరీదు చేసే డ్రగ్స్ ను తన కుటుంబ సభ్యులతో కలిసి నయనతార ఎలా తరలించిందనే కథాంశంతో ఈ సినిమా కొనసాగుతుంది. కావలసినంత కామెడీని కలుపుకుని సాగే థ్రిల్లర్ మూవీ ఇది. త్వరలో 'కో కో కోకిల' అనే పేరుతో ఈ సినిమా తెలుగు ప్రేక్షకుల ముందుకు రానుంది.
|
|
|