MS రాజశేఖర్ రెడ్డి దర్శకత్వంలో నితిన్, కృతిశెట్టి జంటగా నటిస్తున్న చిత్రం మాచర్ల నియోజకవర్గం. శ్రేష్ట్ మూవీస్ పతాకంపై సుధాకర్ రెడ్డి, నిఖితా రెడ్డి నిర్మిస్తున్న ఈ చిత్రంలో కేథరిన్ థెరిస్సా మరో హీరోయిన్ గా నటిస్తున్నారు. మహతీ స్వరసాగర్ ఈ సినిమాకు సంగీతం అందిస్తున్నారు. ప్రపంచవ్యాప్తంగా ఆగస్టు 12న విడుదలవడానికి సిద్ధమవుతుంది.
తాజాగా అందుతున్న సమాచారం ప్రకారం, ఒక్క పాట మినహా ఈ మూవీ షూటింగ్ మొత్తం పూర్తయిందట. షూటింగ్ తో పాటు సైమల్టేనియస్ గా పోస్ట్ ప్రొడక్షన్ పనులను కూడా జరుపుకుంటున్న ఈ మూవీ, ఇంటర్వెల్ ముందుభాగానికి సంబంధించిన రీ రికార్డింగ్ వర్క్ ఇటీవలే ఫినిష్ అయిందట. మేకర్స్ త్వరలోనే మిగిలిపోయిన పాటను కూడా పూర్తి చేసి ఫుల్ ఫ్లెడ్జ్డ్ గా ప్రమోషన్స్ లోకి దిగేందుకు సిద్ధమవుతున్నారు.