అర్జున్ రెడ్డి.. కలెక్షన్లు అదరగొట్టేస్తున్నాడు
cinema | Suryaa Desk | Published : Sat, Aug 26, 2017, 12:36 PM
|
|
‘అర్జున్ రెడ్డి’ విడుదల కాకముందు రేగిన వివాదం ఆ సినిమాకు చేటుగా మారుతుంది అనుకుంటే.. అందుకు భిన్నంగా పాజిటివ్ టాక్ తో, అదరగొట్టే వసూళ్లతో సాగుతోంది ఈ సినిమా. ఈ తరం దేవదాసు కథ.. అన్నట్టుగా ఈ సినిమా పాపులర్ అవుతోంది. క్రిటిక్స్ కూడా ఈ సినిమాను ప్రశంసించడం, పాజిటివ్ రివ్యూలే రావడంతో.. వీకెండ్ జోష్ ఈ సినిమాపై మళ్లింది. ఇక ఈ సినిమాతో పాటు విడుదల అయిన తమిళ అనువాద సినిమా ‘వివేకం’ అంత ఆకట్టుకోకపోవడంతో.. డైరెక్టు తెలుగు సినిమా మీదే ప్రేక్షకులు ఎక్కువ ఆసక్తిని చూపుతున్నారు.
ఇక ఈ సినిమా ప్రీమియర్ షో వసూళ్ల వివరాలను ట్వీట్ చేశాడు ట్రేడ్ ఎనలిస్టు తరణ్ ఆదర్శ్. యూఎస్ లో గురువారం రాత్రి నుంచినే ప్రదర్శితమైన షోల్లో సాధించిన కలెక్షన్ల వివరాలను ఆయన ట్వీట్ చేశారు. మొత్తం 78 లొకేషన్లలో ఈ సినిమా ప్రీమియర్ షోలు ప్రదర్శితం అయ్యాయని.. వీటిల్లో మొత్తం కోటీ ఇరవై నాలుగు లక్షల రూపాయల వసూళ్లు వచ్చినట్టుగా తరణ్ వివరించారు.
మరి లో-బడ్జెట్ మూవీగా రూపొందిన ఈ సినిమాకు ఇవి భారీ వసూళ్లే అని చెప్పాలి. అలాగే ఈ సినిమా వీకెండ్ లో సాలిడ్ వసూళ్లను పొందే అవకాశం ఉందని తరణ్ పేర్కొన్నారు.
|
|
|