సమంతకు భర్తగా అర్జున్ రెడ్డి.. మరి షాలిని పాండే సంగతేంటి?

  Written by : Suryaa Desk Updated: Mon, Sep 11, 2017, 09:44 AM
 

అలనాటి నటి సావిత్రి జీవితాధారంగా తెలుగు,తమిళ భాషలలో భారీగా తెరకెక్కుతున్న చిత్రం మహానటి. ఎవ‌డే సుబ్ర‌హ్మ‌ణ్యం ఫేం నాగ అశ్విన్ ద‌ర్శ‌క‌త్వంలో తెర‌కెక్కుతున్న క్రేజీ ప్రాజెక్ట్‌ సి. అశ్వినీదత్ సమర్పణలో స్వప్న సినిమా పతాకంపై స్వప్నా దత్ నిర్మాణంలోరూపొందుతుంది  ఈ చిత్రానికి మిక్కీ జే మేయర్ సంగీతం అందిస్తున్నాడు.


 సావిత్రి చిత్రంలో సమంత, కీర్తి సురేశ్‌ ప్రధాన పాత్రల్లో నటిస్తున్నారు. దీనిలో ‘అర్జున్‌ రెడ్డి’ చిత్ర కథానాయిక షాలిని పాండే ఓ కీలక పాత్రలో నటిస్తున్నట్లు చిత్ర వర్గాల సమాచారం. దర్శకుడు నాగ్‌ అశ్విన్‌కు ‘అర్జున్‌ రెడ్డి’లో షాలిని నటన నచ్చేయడంతో సావిత్రిలో ఛాన్స్ ఇచ్చారని ఫిలిమ్ నగర్ వర్గాల్లో జోరుగా ప్రచారం సాగుతోంది. ఈ చిత్రంలో సావిత్రి భర్త, అలనాటి కథానాయకుడు జెమిని గణేశన్‌ పాత్రలో దుల్కర్‌ సల్మాన్‌, ఆలూరి చక్రపాణి పాత్రలో ప్రకాశ్‌రాజ్‌ నటిస్తున్నారు. వైజయంతి మూవీస్‌ నిర్మిస్తున్న ఈ చిత్రాన్ని తెలుగు, తమిళంలో తెరకెక్కిస్తున్నారు. అనూప్‌ రూబెన్స్‌ స్వరాలు సమకూరుస్తున్నారు. 2018లో ఈ చిత్రాన్ని రిలీజ్ చేస్తారు. 


 అంతేకాదండోయ్.. ఇక‌ అర్జున్ రెడ్డి చిత్రంతో బాగా పాపులర్ అయిన‌ విజయ్ దేవరకొండ.. సమంతకి భర్తగా కనిపించనున్నాడని టాక్ వస్తోంది. ఇదే సినిమాలో అర్జున్ రెడ్డి హీరోయిన్‌గా న‌టించిన షాలిని పాండే కూడా కీలక పాత్రకు ఎంపిక అయ్యిందని జోరుగా ప్రచారం సాగుతోంది.