సాధారణంగా హీరోలు ఎంత ముదురుగా ఉన్నా.. పడుచు హీరోయిన్స్తో జత కట్టాలనుకుంటారు. హీరోలు వారి కంటే పెద్ద హీరోయిన్స్తో కలిసి నటించే సందర్భాలు చాలా తక్కువగా కనిపిస్తాయి. అసలు విషయమేమంటే వైవిధ్యమైన సినిమాలు చేసే తమిళ నటుడు ధనుష్ హీరోగా `అసురన్` అనే సినిమా ఈ నెల 26 నుండి ప్రారంభం కానుంది. ఈ చిత్రంలో మలయాళ నటి మంజు వారియర్ ధనుష్ సరసన నటించనుంది. ఈ విషయాన్ని ధనుష్ తన ట్విట్టర్ అకౌంట్ ద్వారా తెలియజేశారు. ఈ చిత్రాన్ని వెట్రిమారన్ డైరెక్ట్ చేస్తున్నారు. ధనుష్, వెట్రిమారన్ కాంబినేషన్లో ఇది వరకు `పొల్లాదవన్`, `ఆడుగలం`, `వడచెన్నై` చిత్రాలు తెరకెక్కాయి.