అమలపాల్ ,ఆర్య ట్విట్టర్ లవ్
cinema | Suryaa Desk | Published : Mon, Nov 06, 2017, 02:40 PM
|
|
నటి అమలపాల్ తో తమిళ హీరో ఆర్య ట్విటర్లో జరిపిన సంభాషణ ఆసక్తిదాయకంగా మారింది. తన ట్వీట్లతో అమలపై ప్రేమను వ్యక్తీకరించాడు ఆర్య. అయితే ఆ హీరో వ్యాఖ్యలను అమల లైట్ తీసుకుంది. ఇంతకీ వీళ్ల సంభాషణ జరిగిన తీరు ఏమిటంటే.. అమలపాల్ ఇటీవల కొన్న కారుపై వివాదం మొదలైన సంగతి తెలిసిందే. ఆ కారును ఆమె పాండిచ్చేరి రిజిస్ట్రేషన్ తో కొనుగోలు చేసింది. దీంతో అదంతా పన్నులు ఎగ్గొట్టే వ్యూహమే అనే మాట వినిపించింది. దీంతో అమల ఎదురుదాడి మొదలుపెట్టింది. తను ఎలాంటి ఫ్రాడ్ చేయలేదని వాదించింది. అదే సమయంలో ఒక పడవలో తను ప్రయాణిస్తున్న ఫొటోను ట్విటర్లో పెట్టి.. దీనికి పన్ను కట్టాల్సిన అవసరం లేదనుకుంటా.. అని ట్వీట్ చేసింది.
దీనిపై స్పందిస్తూ ‘పడవలో ప్రయాణిస్తూ ట్యాక్స్ మిగిలించుకుంటున్నావా..’ అని రీట్వీట్ చేశాడు. దానికి స్పందిస్తూ అమల ‘మీరు రన్నింగ్, సైక్లింగ్ చేసుకొంటూ భవిష్యత్తు కోసం డబ్బులు సేవ్ చేసుకుంటున్నారా..’ అని కామెంట్ చేసింది.ఆ వెంటనే ఆర్య ‘అవును.. మిగిలిస్తున్నా నీ కోసమే అమల.. ప్రేమలో పడు..’అంటూ బదులిచ్చాడు. ‘నాట్ కిడ్డింగ్’ అనే హ్యాష్ ట్యాగ్ ను కూడా యాడ్ చేశాడు ఆర్య. అయితే ఆ హీరో కామెంట్లను అమల లైట్ తీసుకుంది. ‘స్టాప్ కిడ్డింగ్’ అనే హ్యాష్ ట్యాగ్ తో బదులిచ్చింది.మరి భర్తతో వేరుపడి సింగిల్ గా ఉంటున్న అమలపై ఆర్య ఈ రకంగా ప్రేమను వ్యక్తీకరించడం సరదాగానేనా.. లేక ఏమైనా సీరియస్ ఉందా? అనేది చర్చనీయాంశంగా మారిందిప్పుడు.
|
|
|