మరికాస్త ఆలస్యంగా 'భాగమతి'?
cinema | Suryaa Desk | Published : Thu, Nov 16, 2017, 03:02 PM
|
|
అనుష్క ప్రధాన పాత్రగా 'భాగమతి' చిత్రం తెరకెక్కింది. దర్శకుడు అశోక్ తెరకెక్కించిన ఈ సినిమా నుంచి ఇటీవలే ఫస్టులుక్ పోస్టర్ వచ్చింది. దాంతో అందరిలోనూ ఈ సినిమాపై ఆసక్తి పెరిగింది. అనుష్క అభిమానులంతా ఈ సినిమా కోసం ఎంతో ఆత్రుతగా ఎదురుచూస్తున్నారు. డిసెంబర్లో ఈ సినిమాను విడుదల చేయాలనుకున్నారనీ, అయితే 'హలో' సినిమా వస్తుండటంతో ఆ ఆలోచన మార్చుకున్నారనే వార్తలు వచ్చాయి. దాంతో ఈ సినిమా సంక్రాంతికి ప్రేక్షకుల ముందుకు వస్తుందనే టాక్ వినిపించింది. సంక్రాంతికి బాలకృష్ణ .. పవన్ కల్యాణ్ వంటి పెద్ద హీరోల సినిమాలు వస్తున్నాయి. అందువలన అప్పుడు కూడా ఈ సినిమా థియేటర్స్ కి రావడం లేదన్నది తాజా సమాచారం. ఇది అనుష్క అభిమానులను నిరాశకు గురిచేసే వార్తే. సాధ్యమైనంత వరకూ ఫిబ్రవరి 9వ తేదీన ఈ సినిమాను విడుదల చేయాలనుకుంటున్నారట. లేదంటే మార్చిలోగానీ .. ఏప్రిల్ లో గాని విడుదల కావొచ్చనే మాట ఫిల్మ్ నగర్లో వినిపిస్తోంది.
|
|
|