2016లో సినిమాలో ఒక అవకాశం ఇవ్వాలని దర్శకుడు రాం గోపాల్ వర్మకు తన ఫొటోను పంపించానని. ఆ తర్వాత వర్మ తనకు ఒక స్క్రిప్ట్ పంపించారని… అందులో మొత్తం బెడ్ సీన్లే ఉన్నాయని తెలిపింది బాలీవుడ్ నటి షెర్లిన్ చోప్రా మీడియాకు తెలిపింది. అసభ్యకరమైన సన్నివేశాలపై వర్మను తాను ప్రశ్నించానని… అప్పుడు వర్మ సన్నీ లియోన్ ను ఉదహరించాడని… అడల్ట్ సినిమాల్లో నటిస్తే సన్నీ లియోన్ మాదిరి గొప్ప స్టార్ అవుతావని చెప్పాడని మండిపడింది.
ఆ సందర్భంగా వర్మకు తాను ఘాటుగా సమాధానమిచ్చానని… బాలీవుడ్ సినిమాల్లో నటించడం ద్వారానే సన్నీలియోన్ స్టార్ అయిందని… అడల్ట్ సినిమాల్లో నటించడం ద్వారా కాదని చెప్పానని షెర్లిన్ తెలిపింది. సినీరంగంలోని కొందరు నిర్మాతలు కూడా తనపై చెడు వ్యాఖ్యలు చేశారని చెప్పింది. ప్రస్తుతం తనకు ఎవరి సహాయ, సహకారాలు అవసరం లేదని… తనకే ఒక సొంత ప్రొడక్షన్ హౌస్ ఉందని తెలిపింది. పబ్లిసిటీ కోసం తాను ప్రస్తుతం ఈ విషయాలను వెల్లడించడం లేదని పేర్కొంది.