విక్టరీ వెంకటేష్‌, యువ సామ్రాట్‌ నాగచైతన్య హీరోలుగా తెరకెక్కిన మల్టీస్టారర్‌ మూవీ 'వెంకీ మామ'. యాక్షన్‌ అండ్‌ ఎమోషన్‌ కంటెంట్‌తో సినిమాను తెరకెక్కించాడు దర్శకుడు బాబీ (కేయస్‌ రవీంద్ర). ఈ సినిమా రిలీజ్ డేట్‌ విషయంలో చాలా పెద్ద చర్చే జరిగింది. ఫైనల్‌గా ఈ సినిమాను డిసెంబర్‌ 13న రిలీజ్ చేస్తున్నట్టుగా ప్రకటించారు చిత్రయూనిట్‌. ఇప్పటికే ప్రమోషన్‌ కార్రక్రమాలు ఓ రేంజ్‌లో జరుగుతున్నాయి. అందుతో భాగంగా శనివారం చిత్ర థియేట్రికల్‌ ట్రైలర్‌ను రిలీజ్ చేశారు చిత్రయూనిట్‌. ఈ సినిమాలో వెంకీ, చైతూ ఇద్దరు రెండు డిఫరెంట్‌ లుక్స్‌లో దర్శనమిస్తున్నారు. వెంకటేష్‌ సరసన పాయల్‌ రాజ్‌పుత్‌ హీరోయిన్‌గా నటిస్తుండగా.. నాగచైతన్యకు జోడిగా రాశీఖన్నా నటిస్తోంది. ఈ సినిమాను సురేష్‌ ప్రొడక్షన్స్‌, పీపుల్‌ మీడియా ఫ్యాక్టరీ సంస్థలు సంయుక్తంగా నిర్మిస్తున్నాయి. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమా డిసెంబర్‌ 13న భారీగా ప్రేక్షకుల ముందుకు రానుంది.
