ప్రస్తుతం ఎన్టీఆర్ రాజమౌళి దర్శకత్వంలో ప్రతిష్టాత్మకంగా తెరకెక్కుతోన్న ఆర్ఆర్ఆర్ సినిమాలో నటిస్తున్నాడు. ఈ సినిమాలో రామ్ చరణ్ కూడా ఓ ప్రధాన పాత్రలో కనిపించనున్నాడు. ఆర్ ఆర్ ఆర్ తర్వాత ఎన్టీఆర్, త్రివిక్రమ్ సినిమా చేయనున్న సంగతి తెలిసిందే. ఈ చిత్రాన్ని కళ్యాణ్ రామ్, చినబాబు కలిసి నిర్మిస్తున్నారు. పొలిటికల్ నేపథ్యంలో తెరకెక్కనున్న ఈ సినిమాకు 'అయిననూ పోయి రావలె హస్తినకు' అనే టైటిల్ పరిశీలిస్తోంది చిత్రబృందం. టైటిల్‌ను బట్టి ఇది పూర్తి రాజకీయ నేపథ్యమున్న సినిమా అనే విషయం అర్థమవుతోంది. దేశం ఎదుర్కొంటున్న వర్ధమాన రాజకీయ పరిస్థితుల నేపథ్యంలో త్రివిక్రమ్ ఈ చిత్రాన్ని తెరకెక్కించబోతున్నట్టు సమాచారం. జులై నుండి షూటింగ్ మొదలుకానున్న ఈ సినిమా 2021 సమ్మర్ లో విడుదల కానుంది. తమన్ సంగీతం అందించనున్నాడు. అయితే ఈ సినిమా ఇంకా షూటింగ్ మొదలుకాక ముందే ఎన్టీఆర్ మరో సినిమాను లైన్‌లో పెట్టాడు. ఎన్టీఆర్ త్రివిక్రమ్ సినిమా తర్వాత కొరటాల శివ దర్శకత్వంలో ఓ సినిమాకు ఓకే చెప్పాడని సమాచారం. ఈ ఇద్దరి కాంబినేషన్‌లో గతంలో జనతా గ్యారేజ్ వచ్చిన సంగతి తెలిసిందే. ఇక మాటల రచయితగా కెరీర్ ను మొదలుపెట్టిన శివ.. ఆ తర్వాత తన టాలెంట్‌తో స్టార్ దర్శకుడిగా ఎదిగాడు. శివ వరుసగా హిట్స్ ఇస్తూ తెలుగులో సూపర్ క్రేజ్ తెచ్చుకున్నాడు. ఇప్పుడు కొరటాల సినిమా అంటే ఓ బ్రాండ్ అనే స్థాయికి వెళ్ళిపోయింది. అందుకే చిన్న హీరోల దగ్గర నుంచి స్టార్ హీరోలైన ఎన్టీఆర్, మహేష్, మెగాస్టార్ లాంటీ వారు కూడా ఆయనతో సినిమా చెయ్యటానికి ఆసక్తి చూపుతున్నారు. ప్రస్తుతం కొరటాల మెగాస్టార్ చిరంజీవితో ‘ఆచార్య’ సినిమా చేస్తున్నాడు.
