‘నేనే రాజు నేనే మంత్రి’ సినిమాతో మళ్ళీ హిట్ ట్రాక్ లోకి వచ్చాడు దర్శకుడు తేజ. ఆయన ప్రస్తుతం గోపిచంద్, రానాలతో సినిమాలను తీస్తున్నాడు. ఇక తేజ.. గోపిచంద్ తో తీస్తున్న సినిమా ‘అలివేలు వెంకట రమణ’. ఈ సినిమాలో మొదట కాజల్ అగర్వాల్ ను హీరోయిన్ గా తీసుకున్నారు. అయితే కాజల్ ఈ ప్రాజెక్ట్ నుండి అనుకోకుండా తప్పుకుందట. అందువల్ల కాజల్ ప్లేస్ లో ఈ సినిమాలో అనుష్కను హీరోయిన్ గా తీసుకోవాలని తేజ భావిస్తున్నారట.
కాగా లేడి ఓరియెంటెడ్ సినిమా కాబట్టి అనుష్క గ్రీన్ సిగ్నల్ ఇస్తుందని తేజా భావిస్తున్నారు. ఇప్పటికే గోపిచంద్-అనుష్క కాంబినేషన్ లో ‘లక్ష్యం’, ‘శౌర్యం’ సినిమాలు వచ్చి మంచి హిట్ అయిన సంగతి తెలిసిందే. ఇక అన్ని కుదిరితే వీరిద్దరి కాంబినేషన్ లో హ్యాట్రిక్ హిట్ వచ్చే అవకాశం ఉందంటున్నారు.