“మహానటి” చిత్రంతో అద్భుతమైన పెర్ఫామెన్స్ ను కనబర్చి లేడీ ఓరియెంటెడ్ చిత్రాలకు తనకంటూ ఒక చిరునామాను ఏర్పర్చుకున్న హీరోయిన్ కీర్తి సురేష్. అక్కడ నుంచి చాలా చిత్రాలను చేసిన ఈ స్టార్ హీరోయిన్ ఇప్పుడు మరో చిత్రంతో రావడానికి సిద్ధంగా ఉంది. అదే “గుడ్ లక్ సఖి”. ఈ చిత్రాన్ని బాలీవుడ్ ఫిల్మ్ మేకర్ నగేష్ కుకునూర్ దర్శకత్వం వహిస్తున్నారు. వీరి కాంబోలో రానున్న ఈ చిత్రం తాలూకా తెలుగు టీజర్ ఈ రోజు స్వాతంత్ర దినోత్సవం సందర్భంగా ఇప్పుడు విడుదలైంది. ఈ టీజర్ ను గమనించినట్టైతే సినిమాపై మంచి అంచనాలు ఏర్పర్చుకోవచ్చనిపిస్తుంది. ఓ మారు మూల ప్రాంతానికి చెందిన ఓ అల్లరి అమ్మాయిలోని ప్రతిభను వెలికి తీసి జాతీయ స్థాయి రైఫెల్ షూటింగ్ లో పాల్గొనేలా తీర్చిదిద్దిన ఈ సినిమా టీజర్ చూడడానికి ఆహ్లాదంగా ఉంది.