మెగా ఫ్యామిలీ నుంచి మరో హీరో వస్తున్నాడంటూ సోషల్ మీడియాలో అప్పుడే సెటైర్లు కూడా పేలుతున్నాయి. మెగా కుటుంబంలో ఇప్పటికే చిరంజీవి, పవన్ కళ్యాణ్, రామ్ చరణ్, అల్లు అర్జున్, సాయి ధరమ్ తేజ్, వరుణ్ తేజ్, శిరీష్, కళ్యాణ్ దేవ్, వైష్ణవ్ తేజ్ ఇలా చాలా మంది హీరోలున్నారు. ఇదిలా ఉంటే ఇప్పుడు మరో హీరో కూడా మెగా కుటుంబం నుంచి వస్తున్నాడని ప్రచారం జరుగుతుంది. నిహారికకు కాబోయే భర్త చైతన్య జొన్నలగడ్డ హైదరాబాద్ లోని ఓ ఎమ్ఎన్సీ కంపెనీలో సీనియర్ సాఫ్ట్ వేర్ ఇంజనీర్ గా పని చేస్తున్నాడు. డిసెంబర్ 9న రాజస్థాన్ ఉదయ్ పూర్ లో వీరి పెళ్లి జరగనుంది. ఈయన కూడా చూడ్డానికి హీరోలాగే ఉన్నాడు. ఈయన ఫోటోలు బాగానే వైరల్ అవుతున్నాయి. ఈయన కూడా త్వరలోనే వెండితెరపైకి వస్తున్నాడని.. ఇప్పటికే మెగా అల్లుడి లాంఛింగ్ కోసం ఏర్పాట్లు జరుగుతున్నట్లు తెలుస్తుంది. ఏదేమైనా కూడా ఇప్పటికే చిరంజీవి చిన్నల్లుడు కళ్యాణ్ దేవ్ హీరోగా వచ్చాడు. ఇప్పుడు మెగా కుటుంబం నుంచి మరో అల్లుడు వస్తున్నాడంటూ వార్తలు షికారు చేస్తున్నాయి.
