ఎంపీ గల్లా జయదేవ్ తనయుడు… గల్లా అశోక్ హీరోగా పరిచయమవుతున్న చిత్రం ' హీరో '. ఈ సినిమాకి శ్రీరామ్ ఆదిత్య దర్శకత్వం వహిస్తుండగా… హాట్ బ్యూటీ నిధి అగర్వాల్ హీరోయిన్ గా నటిస్తుంది. ఇటీవల మహేష్ బాబు చేతుల మీదుగా ఈ సినిమా ఫస్ట్ లుక్, టీజర్ లను విడుదల చేయగా వాటిని మంచి స్పందన లభిస్తుంది. అయితే ఇప్పుడు తాజాగా ఈ చిత్ర బృందం ప్రేక్షకులకు ఓ స్వీట్ సర్ ప్రైజ్ ఇచ్చింది.హీరో సినిమా నుంచి ' అచ్చ తెలుగందమే ' అనే పాటను హీరో దగ్గుబాటి రానా విడుదల చేశారు. ఈ పాటకు జిబ్రాన్ సంగీతంగా అందించగా సిధ్ శ్రీరామ్ మరోసారి తన గాత్రంతో మ్యాజిక్ చేశాడనే చెప్పాలి. ' నింగిలో తారక నేలపై వాలెనే… కన్నుల పండగై కాలమే ఆగెనే ' అంటూ సాగిన ఈ పాట ప్రేక్షకులను అలరిస్తుంది. ముఖ్యంగా ఈ సాంగ్ లో అశోక్, నిధి అగర్వాల్ మధ్య కెమిస్ట్రీ చాలా బాగుందని చెప్పాలి. ఘట్టమనేని కుటుంబం నుంచి వస్తున్న మూడోతరం హీరో కావడంతో అభిమానులు ఆసక్తిగా ఎదురుచూస్తున్నారు.