ట్రెండింగ్
Epaper    English    தமிழ்

నాగశౌర్య చిత్రానికి 'కృష్ణ వ్రింద విహారి' టైటిల్ ఖరారు

cinema |  Suryaa Desk  | Published : Sat, Jan 22, 2022, 01:23 PM



సొంత బ్యానర్ ఐరా క్రియేషన్స్ లో నాగశౌర్య నట్టిస్తున్న చిత్రానికి 'కృష్ణ వ్రింద విహారి' అనే టైటిల్ ఖరారు చేశారు. నాగశౌర్య కథానాయకుడిగా అనీష్ కృష్ణ దర్శకత్వంలో ఒక సినిమా రూపొందుతోంది. నాగశౌర్య సొంత బ్యానర్ అయిన ఐరా క్రియేషన్స్ పై ఈ సినిమా నిర్మితమవుతోంది. తాజాగా ఈ సినిమాకి 'కృష్ణ వ్రింద విహారి' అనే టైటిల్ ను ఖరారు చేశారు. ఈ రోజున నాగశౌర్య పుట్టినరోజు కావడంతో, ఈ సినిమా నుంచి ఆయన ఫస్టులుక్ ను వదిలారు. 'కృష్ణ వ్రింద విహారి' అనే టైటిల్ ను డిజైన్ చేయించిన తీరు చూస్తే కృష్ణ .. వ్రింద .. విహారి అనే ముగ్గురి మధ్య నడిచే ప్రేమకథ అనే విషయం అర్థమవుతుంది. అంటే ఒక హీరో .. ఇద్దరు హీరోయిన్ల చుట్టూ ఈ కథ నడుస్తుందన్న మాట. సంప్రదాయబద్ధమైన కుటుంబానికి చెందిన కుర్రాడిలా నాగశౌర్య డిఫరెంట్ లుక్ తో కనిపించనున్నాడని పోస్టర్ ను బట్టి తెలుస్తోంది. నాగశౌర్య జోడీగా షిర్లే సెటియా కనిపించనుంది. మహతి స్వరసాగర్ ఈ సినిమాకి సంగీతాన్ని సమకూర్చుతున్నాడు. కొంతకాలంగా నాగశౌర్య వరుస పరాజయాలను ఎదుర్కుంటూ వస్తున్నాడు. ఆల్రెడీ రెండు మూడు ప్రాజెక్టులు సెట్స్ పై ఉన్నాయి. మరి వీటిలో ఈ ఏడాది ఆయనకి ఏ సినిమా హిట్ ఇస్తుందో చూడాలి.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com