మోహన రాజా దర్శకత్వంలో టాలీవుడ్ మెగా స్టార్ చిరంజీవి ఒక సినిమా చేస్తున్న సంగతి అందరికి తెలిసిందే. ఈ సినిమాకి "గాడ్ ఫాదర్" అనే టైటిల్ ని మూవీ మేకర్స్ లాక్ చేసారు. ఈ సినిమా మలయాళంలో "లూసిఫర్" సినిమాకు రీమేక్. "గాడ్ ఫాదర్" సినిమాలో చిరు సరసన లేడీ సూపర్ స్టార్ నయనతార జంటగా నటిస్తుంది. ఈ సినిమాలో బాలీవుడ్ స్టార్ హీరో సల్మాన్ ఖాన్ కీలక పాత్రలో కనిపించనున్నాడు. లేటెస్ట్ అప్డేట్ ప్రకారం, పొలిటికల్ డ్రామా ట్రాక్ లో రానున్న ఈ సినిమాలో ఒక పాట షూటింగ్ను జూన్ మొదటి వారంలో ప్రారంభిస్తారని వార్తలు వినిపిస్తున్నాయి. ఈ పాటలో బాలీవుడ్ స్టార్ హీరో సల్మాన్ ఖాన్ కూడా కనిపించనున్నారు అని సమాచారం. ఈ ప్రాజెక్ట్ గురించి మరిన్ని వివరాలు మేకర్స్ త్వరలో వెల్లడి చేయనున్నారు.