టాలీవుడ్ కింగ్ నాగార్జున సినీ కెరీర్లో మైలురాయిగా నిలిచిన చిత్రాలలో 'అన్నమయ్య' ఒకటి. కొత్త తరహా చిత్రాలు చేయాలనుకునే నాగార్జున ఈ సినిమాతో కొత్త ప్రయోగానికి తెర తీసి ఘనవిజయం సాధించారు. దర్శకేంద్రుడు రాఘవేంద్రరావు డైరెక్షన్లో రూపొందిన అన్నమయ్య చిత్రం 1997 మే 22న విడుదలైంది.
నాగార్జున కు వీరాభిమాని అయిన గుంటూరు కు చెందిన ఒక వ్యక్తి, ఆయన మీద ఉన్న అభిమానంతో అన్నమయ్య దేవాలయాన్ని నిర్మించాలనుకున్నాడు. 1997లో మొదలుపెట్టిన ఈ దేవాలయం పనులు 2022వరకు నిర్విరామంగా జరిగాయట. ఇందుకోసం ఆ అభిమానికి సుమారు రూ. కోటి ఖర్చయిందట. ఆయన నిర్మించిన అన్నమయ్య గుడి కి సంబంధించిన వీడియో ప్రస్తుతం సోషల్ మీడియాలో వైరల్ అవుతుంది. దీనిపై కింగ్ నాగార్జున ఎలా స్పందిస్తారో చూడాలి.