మూవీ మొఘల్ బయోపిక్ పై స్పందించిన వెంకీమామ
cinema | Suryaa Desk | Published : Wed, May 25, 2022, 04:35 PM
|
|
టాలీవుడ్ ప్రముఖ నిర్మాతల్లో దివంగత, లెజెండరీ ప్రొడ్యూసర్ డా. డి. రామానాయుడు ఒకరు. ఆయన వారసుడిగా సురేష్ బాబు నిర్మాణ రంగంలో కొనసాగుతుండగా, నట వారసుడిగా విక్టరీ వెంకటేష్ వెండితెరపై కొనసాగుతున్నారు.
వెంకటేష్ నటించిన కొత్త చిత్రం ఎఫ్ 3. ఇందులో వెంకటేష్ మెగా ప్రిన్స్ వరుణ్ తేజ్ తో కలిసి నటించారు. దిల్ రాజు నిర్మించిన ఈ చిత్రానికి అనిల్ రావిపూడి దర్శకత్వం వహించారు. వేసవి కానుకగా మే 27న ఈ చిత్రం విడుదల కాబోతుంది. ఈ మేరకు గత కొద్దిరోజుల నుండి చిత్రబృందం మొత్తం ప్రచార కార్యక్రమాల్లో పాల్గొంటుంది. అందులో భాగంగా ఒక ఇంటర్వ్యూలో పాల్గొన్న వెంకీ, తండ్రి బయోపిక్ లో నటించే విషయమై తన స్పందనను తెలియచేసారు. మంచి స్క్రిప్ట్ తో వచ్చి, తనను మెప్పిస్తే మూవీ మొఘల్ రామానాయుడు బయోపిక్ లో నటించేందుకు తనకు ఎలాంటి అభ్యంతరం లేదని చెప్పారు. తండ్రి బయోపిక్ మాత్రమే కాక, తనకు స్వామి వివేకానంద బయోపిక్ లో కూడా నటించాలనుందని, అందుకోసం ఎప్పటినుండో తీవ్రంగా ప్రయత్నిస్తున్నానని వెంకటేష్ తెలిపారు.
|
|
|