ట్రెండింగ్
Epaper    English    தமிழ்

మరో హిట్ సినిమా మిస్ చేసుకున్న లావణ్య

cinema |  Suryaa Desk  | Published : Mon, Aug 20, 2018, 03:18 PM



ప్లానింగ్ లేకపోతే ఒక్కోసారి సూపర్ హిట్ సినిమాలు చేజారిపోతుంటాయి. హీరోలకే కాదు, హీరోయిన్ల విషయంలో కూడా ఇది జరుగుతుంటుంది. తాజాగా లావణ్య త్రిపాఠి కూడా ఓ సూపర్ హిట్ సినిమాను మిస్ అయింది. అదే గీతగోవిందం. అవును.. గీతగోవిందం సినిమాలో లావణ్య త్రిపాఠిని హీరోయిన్ గా తీసుకున్నారు. ఆమెతో ఫొటోషూట్ కూడా పూర్తిచేశారు. కానీ ఆఖరి నిమిషంలో ఆమె తప్పుకోవడంతో, ఆ స్థానంలో రష్మికను తీసుకున్నారు. అలా గీతగోవిందం లాంటి సూపర్ హిట్ ను మిస్ చేసుకుంది లావణ్య. 


ఈ విషయాన్ని స్వయంగా దర్శకుడు పరశురాం బయటపెట్టాడు. లావణ్య త్రిపాఠితో పాటు అను ఎమ్మాన్యుయేల్ పేరును కూడా పరిశీలించామని, అను ముందుగానే నో చెప్పగా, లావణ్య మాత్రం ఆఖరి నిమిషంలో తప్పుకుందని అన్నాడు పరశురాం. అప్పటికే ఒప్పుకున్న ఓ తమిళ సినిమా కారణంగా లావణ్య తప్పుకున్నట్టు తెలిపాడు. మరోవైపు అను ఎమ్మాన్యుయేల్ మాత్రం కథ బాగా నచ్చడంతో, సినిమాను వదులుకోవడం ఇష్టంలేక స్టార్టింగ్ లో వచ్చిన చిన్న సీన్ లో నటించిందని తెలిపాడు. మొత్తమ్మీద లావణ్య త్రిపాఠి ఓ హిట్ సినిమాను మిస్ అయింది. గతంలో వరుణ్ తేజ్ హీరోగా నటించిన తొలిప్రేమ సినిమాలో కూడా ఇలానే ఛాన్స్ మిస్ చేసుకుంది లావణ్య. అది కూడా హిట్  సినిమానే.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com