టాలీవుడ్ ప్రేక్షకులకు మెగాస్టార్ అంటే చిరంజీవినే. కొత్తగా నందమూరి కళ్యాణ్ రామ్ కు మెగాస్టార్ ట్యాగ్ ఇచ్చి కొంతమంది నెటిజన్లు సోషల్ మీడియాలో విపరీతంగా ట్రెండ్ చేస్తున్నారు. ఆచార్య తో మూతపడ్డ థియేటర్లు ఆపై అంటే సుందరానికి, విరాటపర్వం, పక్కా కమర్షియల్, ది వారియర్, థాంక్యూ, రామారావు ఆన్ డ్యూటీ ...ఇలా ఎన్ని సినిమాలు విడుదలైనా అంతగా తెరుచుకోలేదు. నిన్న విడుదలైన కళ్యాణ్ రామ్ బింబిసార థియేటర్లకు కొత్త కళను తీసుకొచ్చింది. చాన్నాళ్ల తరవాత థియేటర్లకు హౌస్ ఫుల్ బోర్డులు దర్శమిస్తున్నాయి. బాక్సాఫీస్ కలెక్షన్లతో ఊపిరి పీల్చుకుంటుంది.
కళ్యాణ్ రామ్ కెరీర్లో గట్టిగ మూడే మూడు హిట్లున్నాయి. 2005 లో వచ్చిన అతనొక్కడే, హరేరామ్ (2008), పటాస్ (2015). ఇక అప్పటినుండి కళ్యాణ్ సాలిడ్ హిట్ కోసం ప్రయత్నిస్తూనే ఉన్నాడు. లేటెస్ట్ గా రిలీజయిన బింబిసార కళ్యాణ్ కు కెరీర్లోనే బిగ్గెస్ట్ హిట్ ఇవ్వడమే కాక మెగాస్టార్ ట్యాగ్ ను తీసుకొచ్చింది. దీంతో కొంతమంది అభిమానులు కళ్యాణ్ రామ్ ను రియల్ మెగాస్టార్ అని పిలుచుకుంటున్నారు. సాలిడ్ మార్కెట్ లేని కళ్యాణ్ రామ్ బింబిసార హౌస్ ఫుల్ బోర్డు లతో, ఎక్స్ట్రా థియేటర్లతో ఇన్నాళ్ల విజయ కాంక్షను గ్రాండ్ గా సెలెబ్రేట్ చేసుకుంటున్నాడు.
