ప్రవీణ్ సత్తారు డైరెక్షన్లో కింగ్ నాగార్జున నటిస్తున్న హై ఓల్టేజ్ యాక్షన్ ఎంటర్టైనర్ "ది ఘోస్ట్". దసరా పండుగ సందర్భంగా అక్టోబర్ ఐదవ తేదీన ఈ చిత్రం థియేటర్లలో విడుదల కాబోతుంది.
ప్రస్తుతం ప్రచార కార్యక్రమాలను జరుపుకుంటున్న ఈ మూవీపై ఇంటరెస్టింగ్ న్యూస్ ఒకటి వినిపిస్తుంది. ఆ విషయాన్ని స్వయంగా డైరెక్టర్ ప్రవీణ్ విడుదల చేసారు. ఈ సినిమాకు ది ఘోస్ట్ టైటిల్ ను పెడదామని ఎప్పటి నుండో స్ట్రాంగ్ గా ఫిక్స్ అయ్యి ఉన్నారట ప్రవీణ్. కానీ, ఆ సమయంలో విడుదలైన కమల్, లోకేష్ ల మూవీ పోస్టర్ లో "ఒన్స్ అపాన్ ఏ టైం.. దేర్ లివ్డ్ ఏ ఘోస్ట్" అని ఉండడంతో, ఆ సినిమాకు 'ది ఘోస్ట్' అనే టైటిల్ ను పెడతారని అనుకుని ప్రవీణ్ ఆ టైటిల్ పై ఆశలు వదులుకున్నారట. సినిమాలో నాగ్ క్యారెక్టర్ పేరు విక్రమ్ గాంధీ కావడంతో దానినే టైటిల్ గా పెడదామని అనుకునే లోపు మళ్ళీ, కమల్ - లోకేష్ ల మూవీ నుండే "విక్రమ్" టైటిల్ ఎనౌన్స్మెంట్ జరిగింది. ఇక, చేసేదేమి లేక ప్రవీణ్ ఒరిజినల్ టైటిల్ "ది ఘోస్ట్" నే నాగ్ మూవీకి ఫిక్స్ చేశారట.