చెల్లా అయ్యావు దర్శకత్వంలో తమిళ స్టార్ హీరో విష్ణు విశాల్ సినిమా చేస్తున్న సంగతి అందరికి తెలిసిందే. ఈ సినిమాకి 'మట్టి కుస్తి' అనే టైటిల్ ని మేకర్స్ ఖరారు చేసారు. తాజా అప్డేట్ ప్రకారం, మట్టి కుస్తి పోస్ట్ థియేట్రికల్ స్ట్రీమింగ్ రైట్స్ ని OTT దిగ్గజం నెట్ఫ్లిక్స్ ఫ్యాన్సీ ధరకు సొంతం చేసుకున్నట్లు సమాచారం.ఈ విషయం గురించి మూవీ మేకర్స్ నుండి అధికారిక ప్రకటన కూడా వచ్చింది.
ఈ స్పోర్ట్స్ ఫ్యామిలీ డ్రామాలో విష్ణు విశాల్ కి లేడీ లవ్ గా ఐశ్వర్య లక్ష్మి నటిస్తోంది. ఈ చిత్రం డిసెంబర్ 2, 2022న గ్రాండ్ విడుదలకి సిద్ధంగా ఉంది. ఈ సినిమాకి జస్టిన్ ప్రభాకరన్ సంగీతం అందిస్తున్నారు. మాస్ మహారాజా రవితేజ తన హోమ్ బ్యానర్ అయిన ఆర్టి టీమ్వర్క్స్పై ఈ చిత్రాన్ని నిర్మిస్తున్నారు.