దర్శక దిగ్గజం రాజమౌళి దర్శకత్వంలో ఎన్టీఆర్, రామ్ చరణ్ హీరోలుగా నిర్మితమవుతున్న మల్టీస్టారర్ 'ఆర్ఆర్ఆర్' (వర్కింగ్ టైటిల్)పై ఇంతవరకూ ఏ విధమైన వివరాలూ బయటకు వెల్లడి కాలేదన్న సంగతి తెలిసిందే. ఇక సినిమా విశేషాలను, మరికొన్ని అంశాలను ప్రేక్షకులకు చెప్పేందుకు రాజమౌళి ఈ ఉదయం 11.30 గంటల ప్రాంతంలో మీడియా సమావేశం ఏర్పాటు చేశారు. ఈ సమావేశానికి వెళ్లేందుకు రామ్ చరణ్ ఇంట్లో నుంచి బయటకు వస్తున్న వేళ, వెనుకనుంచి ఫోటో తీసిన ఉపాసన, దాన్ని తన ట్విట్టర్ ఖాతాలో పంచుకున్నారు. గుడ్ లక్ టీమ్ అంటూ అభినందనలు తెలిపారు. ఉపాసన ట్వీట్ ఇప్పుడు వైరల్ అవుతోంది.