ఊరికే అంటారా బోల్డ్ నటి అని.. ఇదిగో ఇలాంటి కామెంట్స్ చేస్తేనే కదా నేమ్ అండ్ ఫేమ్ అనుకుంటుందో ఏమో కాని బిగ్ బాస్ ఫేమ్ జ్యోతి బోల్డ్ పాత్రల్ని చేయడమే కాదు.. బోల్డ్‌గా మాట్లాడటానికి కూడా ఏమాత్రం సిగ్గు పడదు. హంగామా, పెళ్లం ఊరెళ్తే, రంగా ది దొంగా, అందరూ దొంగలే తదితర చిత్రాల్లో నటించిన జ్యోతి.. కన్నడ, మలయాళ చిత్ర పరిశ్రమకు కూడా సుపరిచితురాలే. ఈ మధ్య కాలంలో పెద్దగా ఆఫర్‌లు లేకున్నా.. బిగ్ బాస్ సీజన్‌ 1తో తెలుగు ప్రేక్షకులకు చేరువైంది. తాజాగా ఈమె ఓ యూట్యూబ్ ఛానల్‌కి ఇచ్చిన ఇంటర్వ్యూలోని విజయ్ దేవరకొండతో చేసిన బోల్డ్ కామెంట్స్ హాట్ టాపిక్ అవుతున్నాయి.
నాకు పవన్ కళ్యాణ్‌తో నటించాలని ఎప్పటి నుండో ఉందంటూ తెగ సిగ్గుపడిపోయిన జ్యోతి.. ఇప్పుడైతే పవన్ పొలిటికల్‌గా బిజీ అయ్యారు ప్రస్తుతం ఉన్న వాళ్లలో విజయ్ దేవరకొండతో నటించాలని ఉందంది. అంతేకాదు విజయ్ దేవరకొండ షర్ట్ లేకుండా నాతో నటించాలని ఉందంటూ మనసులో కోరికను బయటపెట్టింది.
ఇదేం కోరిక జ్యోతీ అంటే.. అదంతే!! అదో పిచ్చి అంతే. నాకు నచ్చిన హీరో ఎవరు అంటే వెంటనే విజయ్ పేరే చెప్తా. మొన్నటి వరకూ నాని అంటే ఇష్టం ఉండేది. విజయ్ వచ్చాక ఛేంజ్ అయిపోయా అంటుంది.
సరే.. హీరోల సంగతి పక్కన పెడదాం.. మరి హీరోయిన్స్‌లో ఎవరంటే ఇష్టం అంటే.. హీరోయిన్స్ నా? ఇప్పుడు ఎవరున్నారబ్బా.. అంటూ డార్క్ ఫేస్ పెట్టి నాకు ఎవరూ గుర్తు రావడం లేదు అనేసింది. నచ్చిన సినిమా అంటే మాత్రం.. ఇంకేంటి విజయ్ దేవరకొండ ‘గీత గోవిందం’ అంటుంది.
