రామ్‌చరణ్ భార్య ఉపాసనకు దాదాసాహెబ్ పురస్కారం
cinema | Suryaa Desk | Published : Sun, Apr 21, 2019, 12:01 PM
|
|
మెగాపవర్ స్టార్ రామ్‌చరణ్ భార్య, మెగాస్టార్ చిరంజీవి కోడలు, అపోలో హాస్పిటల్స్ అధినేత ప్రతాప్ సి.రెడ్డి మనవరాలు ఉపాసన కొణిదెల దాదాసాహెబ్ ఫాల్కే పురస్కారం అందుకున్నారు. ‘బి పాజిటివ్- హెల్త్ అండ్ లైఫ్ట్‌స్టైల్’ మ్యాగజైన్‌కు చీఫ్ ఎడిటర్‌గా బాధ్యతలు నిర్వహిస్తున్న ఉపాసన ఖాళీ సమయాల్లో సామాజిక కార్యక్రమాల్లో చురుగ్గా పాల్గొంటుంటారు. సమస్యలపై ఎప్పటికప్పుడు సోషల్‌మీడియాలో స్పందిస్తూ స్ఫూర్తినిస్తుంటారు. ఈ నేపథ్యంలోనే సామాజిక సేవ కేటగిరీలో ‘ ఈ ఏటి మేటి పరోపకారి’గా దాదాసాహెబ్ పురస్కారం అందుకున్నారు ఉపాసన.
దాదాసాహెబ్ ఇంటర్నేషనల్ ఫిలిమ్ ఫెస్టివల్స్ సంస్థ ఈ అవార్డును శనివారం ఉపాసనకు అందించింది. అపోలో ఫౌండేషన్ ద్వారా ఆమె అందిస్తున్న సేవలను గుర్తించిన సంస్థ ఈ పురస్కారంతో సత్కరించింది. విభిన్న రంగాల్లో రాణిస్తూ ఇతరులకు ఇన్‌స్పిరేషన్‌గా నిలుస్తున్న వ్యక్తులను ఈ అవార్డుకు ఎంపికి చేస్తుంటారు. తనకు ఈ అవార్డు రావడం పట్ల ఉపాసన హర్షం వ్యక్తం చేశారు. "నిజంగా ఎంతో ఆనందంగా ఉంది. ప్రతిరోజు మంచి పనులు చేసేలా శుభసందేశాలు పంపించే సానుకూల దృక్పథం ఉన్న నా ప్రజలందరికీ ఈ అవార్డును అంకితం చేస్తున్నాను. నన్ను అన్నివిధాలా వెన్నంటి ఉండే నా ప్రియమైన కుటుంబానికి కృతజ్ఞతలు" అంటూ ఆమె ట్వీట్ చేశారు. తన భార్యకు ఈ పురస్కారం లభించడం పట్ల రామ్‌చరణ్ సంతోషం వ్యక్తం చేశారు. ‘ప్రియమైన ఉప్సీ.. నిన్ను చూసి చాలా గర్వపడుతున్నా’ అంటూ సోషల్‌మీడియాలో పోస్ట్ పెట్టారు.
|
|
|