నందమూరి కళ్యాణ్ రామ్ ప్రస్తుతం తన 21వ సినిమాని చేస్తున్నారు. ప్రదీప్ చిలుకూరి దర్శకత్వం వహిస్తున్న ఈ చిత్రంలో సయీ మంజ్రేకర్ హీరోయిన్ గా నటిస్తున్నారు. విజయశాంతి చాలా గ్యాప్ తరువాత ఈ మూవీలో పవర్‌ఫుల్ పోలీస్ ఆఫీసర్ పాత్రలో కనిపించబోతున్నారు. అశోక క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ చిత్రం #NKR21 వర్కింగ్ టైటిల్ తో చిత్రీకరణ జరుపుకుంటుంది. ప్రస్తుతం ఈ మూవీ టైటిల్ కోసం కొన్ని టైటిల్స్ ని పరిశీలిస్తున్నారట. 'మెరుపు' పవర్‌ఫుల్ టైటిల్ ని కళ్యాణ్ రామ్ తీసుకుంటున్నారట. ఈ మూవీలోని కళ్యాణ్ రామ్, విజయశాంతి పాత్రలు చాలా పవర్‌ఫుల్ గా కనిపిస్తాయట. అలాంటి పాత్రలకు మెరుపు టైటిల్ కరెక్ట్ గా సెట్ అవుతుందని మేకర్స్ భావిస్తున్నారట. మరి అదే టైటిల్ ని ఖరారు చేస్తారా, లేదా..? అనేది చూడాలి. ఈ సినిమా తర్వాత కళ్యాణ్ రామ్ తన సూపర్ హిట్ మూవీ ‘బింబిసారా’కి కొనసాగింపుని తీసుకు రాబోతున్నారు. ప్రస్తుతం వశిష్ఠ చిరంజీవితో విశ్వంభర సినిమా చేస్తున్నారు. ఈ మూవీ పూర్తి అయిన తరువాత బింబిసారా ప్రీక్వెల్ మొదలు పెట్టబోతున్నారు.
