పాన్ ఇండియా స్టార్ ప్రభాస్ తదుపరి రొమాంటిక్ హారర్ కామెడీ చిత్రం ది రాజా సాబ్‌లో కనిపించనున్నారు. హిలేరియస్ ఎంటర్‌టైనర్‌లను రూపొందించడంలో నైపుణ్యం ఉన్న మారుతీ ఈ చిత్రానికి దర్శకత్వం వహిస్తున్నారు. మాళవిక మోహనన్ ది రాజా సాబ్ చిత్రంతో తెలుగు తెరకు పరిచయం అవుతుండగా, నిధి అగర్వాల్ మరో కథానాయికగా నటిస్తోంది. ప్రభాస్ పుట్టినరోజు సందర్భంగా మేకర్స్ మోషన్ పోస్టర్‌ను ఆవిష్కరించారు. సిగార్‌ తాగుతున్న వృద్ధ రాజుగా ప్రభాస్‌ని చూపించారు. ఈ చిత్రం ఇప్పటికే తెలుగు రాష్ట్రాల్లో విశేషమైన ఉత్కంఠను రేకెత్తిస్తోంది. తాజాగా ఇప్పుడు ఈ మోషన్ పోస్టర్ విడుదలైన 24 గంటలలో 8.3 మిలియన్ వ్యూస్ తో టాప్ ట్రేండింగ్ వన్ పోసిషన్ లో ఉన్నట్లు సమాచారం. ఈ విషయాని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. పాన్-ఇండియా విడుదల కోసం రూపొందించబడిన ఈ చిత్రం 200 కోట్ల రూపాయల భారీ బడ్జెట్‌తో రూపొందించబడింది. ఈ చిత్రంలో బాలీవుడ్ స్టార్ సంజయ్ దత్, రిద్ధి కుమార్ తదితరులు ముఖ్య పాత్రలు పోషిస్తున్నారు. ఈ చిత్రం ఏప్రిల్ 10, 2025న థియేటర్లలోకి వస్తుందని మేకర్స్ మళ్లీ ధృవీకరించారు. పీపుల్ మీడియా ఫ్యాక్టరీకి చెందిన TG విశ్వ ప్రసాద్ ఈ చిత్రాన్ని నిర్మిస్తున్నారు. ఈ చిత్రానికి థమన్ సంగీతం అందిస్తున్నారు.
