ట్రెండింగ్
Epaper    English    தமிழ்

ఓ ఫ్యాషన్ బ్రాండ్‌కు ప్రచారకర్తలుగా విజయ్, కియారా

cinema |  Suryaa Desk  | Published : Mon, Sep 09, 2019, 01:32 PM



ఫలానా హీరో, హీరోయిన్ జంటగా నటిస్తే బాగుంటుంది అని అనుకోని ప్రేక్షకులు ఉండరు. వెండితెరపై కనిపించని అలాంటి సెలబ్రిటీ జంటలు చాలా మంది ఉన్నారు. వారిలో విజయ్ దేవరకొండ, కియారా అడ్వాణీల జంట ఒకటి. ఇద్దరూ కలిసి నటించకపోయినా రీమేక్‌ల రూపంలో వీరి సినిమాలు వచ్చాయి. విజయ్ నటించిన ‘అర్జు్న్‌రెడ్డి’ సినిమాను హిందీలో ‘కబీర్ సింగ్’ టైటిల్‌తో తెరకెక్కించిన సంగతి తెలిసిందే. హిందీ రీమేక్‌లో కియారా అడ్వాణీ నటించారు. విజయ్, కియారా ఇప్పటివరకు కలిసి జంటగా నటించకపోయినా.. ఓ ఫ్యాషన్ బ్రాండ్‌కు కలిసే ప్రచారకర్తలుగా వ్యవహరిస్తున్నారు.


ఈ సందర్భంగా తీసిన వీరి ఫొటోలు నెటిజన్లను తెగ ఆకట్టుకుంటున్నాయి. వీరిని ఇలా చూసిన తర్వాత కచ్చితంగా సినిమా తీయాల్సిందే అనుకోని దర్శకుడు, నిర్మాత ఉండరంటే అతిశయోక్తి కాదేమో. వీరిద్దరినీ ఇలా చూసి ఈ పాటికి స్క్రిప్ట్ రాయాలన్న ఆలోచన కూడా మనోళ్లకి వచ్చేసి ఉండొచ్చు. 2020లోనైనా విజయ్, కియారాను వెండితెరపై చూస్తామేమో వేచి చూడాలి. విజయ్ ప్రస్తుతం ‘హీరో’ సినిమాతో బిజీగా ఉన్నారు. ఆనంద్ అన్నమలై దర్శకత్వం వహిస్తున్నారు. మరోపక్క ఆయన డ్యాషింగ్ డైరెక్టర్ పూరీ జగన్నాథ్‌తో కలిసి ‘ఫైటర్’ అనే సినిమాను కూడా చేయబోతున్నారు. ఇందులో ఆయన బాక్సర్ పాత్రలో కనిపించనున్నట్లు తెలుస్తోంది.


మరోపక్క కియారా.. ‘కబీర్ సింగ్’ సక్సెస్‌తో బాలీవుడ్‌లో వరుస సినిమాలతో జోష్ మీదున్నారు. ప్రస్తుతం ఆమె ‘లక్ష్మీ బాంబ్’ సినిమాతో బిజీగా ఉన్నారు. ఇందులో ఆమె అక్షయ్ కుమార్‌కు జోడీగా నటిస్తున్నారు. తమిళంలో మంచి విజయం అందుకున్న ‘కాంచన’ సినిమాకు ఇది రీమేక్‌గా రాబోతోంది. దీంతో పాటు కియారా.. ‘గుడ్ న్యూస్’, ‘షేర్‌షా’, ‘ఇందూ కీ జవానీ’ సినిమాల్లో నటిస్తున్నారు. సో.. ఫ్యాన్స్.. విజయ్, కియారా కాంబినేషన్‌లో సినిమా రావడానికి ఇంకాస్త సమయం పడుతుంది కాబట్టి అంతలో వీరిని ఇలాగైనా చూసి ఆనందించండి...!






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com