అత్తగా అనసూయ ఇలా రెచ్చిపోతుందని ఊహించలేదు
cinema | Suryaa Desk | Published : Mon, Mar 19, 2018, 01:59 PM
|
|
రామ్ చరణ్, సమంత జంటగా నటించిన చిత్రం "రంగస్థలం". ఈ చిత్రానికి సుకుమార్ దర్శకత్వం వహించారు. ఈ చిత్రం ఈనెల 30వ తేదీన రిలీజ్ కానుంది. ఆదివారం రాత్రి ఈ చిత్రం ప్రీరిలీజ్ కార్యక్రమం వైజాగ్ వేదికగా జరిగింది. ఈ కార్యక్రమానికి మెగాస్టార్ చిరంజీవి ముఖ్యఅతిథిగా హాజరయ్యారు. ఈసందర్భంగా ఆయన మాట్లాడుతూ, 'అత్తగా అనసూయ చాలా కొత్త క్యారెక్టర్ చేసింది. ఫుల్‌గా ఈ పాత్ర చేస్తుందని నేను అనుకోలేదు. ఈ సినిమాలో రాణించడం, మెప్పించడమేకాకుండా పాత్రకు ఓ పర్పస్ ఉంది. వావ్.. ఇందుకోసమే అనసూయను సినిమాలో పెట్టారా? అనిపిస్తుంది. మంచి పాత్ర చేసి అనసూయ ఈ సినిమాలో రాణించారు' అంటూ కితాబిచ్చారు.
అంతేకాకుండా, ఈ సినిమా అన్ని విధాలుగా, అన్ని కోణాల్లోంచి కూడా అత్యద్భుతం అనిపించుకుంటుంది. రాబోయే రోజుల్లో అభిమానుల చేత శభాష్ అనిపించుకోవడమే కాకుండా.. అవార్డుల కోసమే సినిమాలు తీయరు.. కానీ ఈ సినిమా మాత్రం అవార్డులు సొంతం చేసుకుంటుంది. చిత్రంలోని అన్ని విభాగాలు అవార్డులు వస్తాయి. జాతీయస్థాయిలో ఈ సినిమాలు అవార్డు వస్తుందన్నా ఇందులో ఎలాంటి ఆశ్చర్యం లేదు. అవార్డులు రావాలి.. రాకపోతే సినిమాకు అన్యాయం జరిగినట్లే. ఈ ఏడాది ఈ సినిమా అత్యద్భుతమైంది కావాలని.. అవుతుందని మనస్ఫూర్తిగా కోరుకుంటున్నాను అని చిరంజీవి వ్యాఖ్యానించారు. సుకుమార్ దర్శకత్వంలో మైత్రీ మూవీ మేకర్స్‌ బ్యానర్‌పై నవీన్‌, యలమంచిలి రవిశంకర్‌, సి.వి.ఎం(మోహన్‌) నిర్మాతలుగా రూపొందించారు. చిరంజీవి ప్రసంగానికి చెందిన పూర్తి ప్రసంగం వీడియో మీరూ చూడండి.
|
|
|