అల్లు అర్జున్, త్రివిక్రమ్ కాంబినేషన్లో వచ్చిన ‘అల వైకుంఠపురములో’ సినిమా ఎంత పెద్ద హిట్టయిందో తెలిసిందే కదా. ముఖ్యంగా ఈ సినిమాలోని పాటలు సంచలనం సృష్టించాయి. ముఖ్యంగా బుట్టబొమ్మ సాంగ్ మాత్రం పూటకో రికార్డును మటాష్ చేస్తూ సరికొత్త రికార్డులను క్రియేట్ చేస్తోంది. తాజాగా ఈ పాట మరో అరుదైన రికార్డు క్రియేట్ చేసింది. ఇప్పట్లో ఈ రికార్డు ఎవరికీ సాధ్యం కావకపోవచ్చు. తాజాగా యూట్యూబ్లో బుట్ట బొమ్మ సాంగ్ 200 మిలియన్ వ్యూస్కు చేరువైంది. తెలుగులో అతి తక్కువ రోజుల్లో ఇన్ని వ్యూస్ వచ్చిన పాట ఏది లేదు. అంతేకాదు ఈ పాటకు లోకల్ నుంచి గ్లోబల్ లెవల్ వరకు అందరు ఫిదా అయ్యారు. ఆస్ట్రేలియా క్రికెటర్ డేవిడ్ వార్నర్తో పాటు శిల్పాశెట్టి, దిశా పటానీ వంటి హీరోయిన్స్ కూడా అల్లు అర్జున్ బుట్ట బొమ్మ సాంగ్కు ఫిదా అయ్యారు. తాజాగా బుట్టబొమ్మ సాంగ్ ప్రపంచ రికార్డును క్రియేట్ చేసింది అంటూ మ్యూజిక్ డైరెక్టర్ థమన్ ట్వీట్ చేసాడు. తాజాగా ఓ ఇంగ్లీష్ డైలీలో వచ్చిన ఓ కథనాన్ని పోస్ట్ చేసిన థమన్.. ప్రపంచ వ్యాప్తంగా అత్యంత పాపులర్ అయిన 100 వీడియో సాంగ్స్లో బుట్టబొమ్మ 15వ స్థానంలో నిలిచింది. వాల్డ్ వైడ్గా ఓ తెలుగు పాట 15వ స్థానం దక్కడం అంత ఈజీ విషయం కాదు. తెలుగు సినిమా స్థాయిని ఈ పాట పెంచిందని కామెంట్స్ రూపంలో అల్లు అర్జున్ అభిమానులు థమన్కు థాంక్స్ చెబుతున్నారు.